DÚNIEGE SÚIISPENShILIKTIŃ ZIIaNY

Rasýlýllah (s.a.ý.) aıtqan: “Aralaryńda eki masańdyq; nadandyqtyń mastyǵy jáne dúnıede raqat ómir súrý pıǵylynyń mastyǵy paıda bolmaıynsha, sóz joq, sender Rabbylaryń jibergen báıııná (Kitap jáne súnnet) boıynsha júresińder. Sender (bul kúılerińde) jaqsylyqqa buıyryp, jamandyqtan tııasyńdar jáne Alla jolynda kúresesińder.

Al aralaryńda dúnıege súıispenshilik taraǵan kezde bolsa, jaqsylyqqa buıyrmaıtyn, jamandyqtan tyımaıtyn jáne Alla jolynda kúrespeıtin bolasyńdar. Mine, sol kezde Kitap pen súnnet boıynsha buıyratyndar muhajırler men ansardyń eń ozyqtaryndaı (saýap alatyn) bolady”.

Nadandyq pen dúnıege súıipenshilik masańdyqqa uqsaıdy; aqyl-sezimdi álsiretedi, aqıqatty túsinýge bóget bolady, parasat kózin tumshalaıdy. Adamnyń sóıtip ózine paıdaly nársege mıy jetpeıdi, odan alystap, zııandy nárselermen shuǵyldana bastaıdy. Osylaı jaqsylyqty bilmegendikten jáne mazamdy alady degen oımen oǵan buıyrmaıdy, jamandyqty paıda sanap, odan tyımaıdy. Qaıyrdan syrt aınalady. Alaıda aqyrette nadandyq úzir retinde qabyldanbaıdy. Óıtkeni nadandyq aqıqatty bilýden bas tartý degen sóz.

Mine, osyndaı zamanda Kitap pen súnnet arqyly amal jasap jaqsylyqqa buıyryp, jamandyqtan tııatyndar ashab kıramǵa uqsaıdy. Óıtkeni ashab kıramnyń izgiligi men artyqshylyǵynyń bir sebebi de Kitap pen Súnnet boıynsha amal jasaýynda.

Paıǵambarymyz (s.a.ý.) “Sen dúnıede quddy bir ǵarip nemese jolaýshy tárizdi kúıde bol” degen.

Shúbásiz, barsha adamzat myna dúnıede ýaqytsha ómir súrýde, báriniń de baratyn jerleri aqyret álemi. Olaı bolsa, adam myna dúnıe ómirine aldanbaýǵa tıis, ǵapyldyqqa, saýyq-saıranǵa berilmeýi kerek. Myna dúnıelik ómir úshin aqyrettik ómirdi zaıa qylmaý kerek. Dúnıede júrgende ózine júktelgen mindetterin oryndap, eshkimniń quqyǵyna qol suqpaý qajet, nápsi men qulqynnan saqtaný kerek. Basty máńgilik turaǵymyz aqyret álemi úshin qajetti nárselerdi ázirleýge kúsh salý qajet. Keıin ókinish paıda bermeıdi.