DÚZDE JÚRSEM BATYRMYN

Tolybaı degen kisi ári batyr, ári sheshen bolypty. As pen toıda kedeımin dep yǵyspaı batyr, bılerge, baımyrzalarǵa sóz bermeıdi eken. Bir joly toıdan qaıtqan bir top baı-myrzalar qonaqasydan uıaltyp ketý úshin Tolybaıdyń úıine saý ete túsipti. Bul kezde Tolybaı jalańaıaq, jalańbas tary túıip jatsa kerek. Kelgen myrzalar úı syrtynan:

— Assalaýmaǵaleıkým, Tolybaı batyr! — deıdi.

— Aǵalaıkýmissalam, jaısań men qasqalar,

Kedeıshilik erdiń túsin basqalar.

Dúzde júrsek batyrmyz,

Úıde otyrsaq qatynbyz,

Qatyn aýrý, bala jas,

Tary túıip jatyrmyz.

Taýdan úlken talabym bar,

It ishpeıtin shalabym bar,

Tússeńder mine lashyq,

Ketseńder joldaryń ashyq! — depti Tolybaı sheshen.

Sonda kelgen adamdar razy bolyp, at, shapan berip qasyna ala júrgen eken.