E 120 qospasyn nege qoldanýǵa bolmaıdy?

E 120 ataýymen belgili «Karmın» boıaǵyshyn qarap turyp, onyń jándikten alynatyny oıyńyzǵa da kirip shyqpas. Karmın –  jyldar boıy túrli jaǵdaılarda qoldanyp kele jatqan boıaǵysh túri. Karmındegi shıkizat – koshenıl jándigi (ósimdiktiń shyrynyn qorek etetin zııandy usaq jándik). Koshenıl jándigi kaktýs ósimdiginde meken etedi. Jándiktiń urǵashysy biraz ýaqyt ósimdikte ómir súredi de, kóbeıer aldynda terisine qyp-qyzyl karmın qyshqylyn túzedi. Osyndaı sátte olardy jınap alyp, termoóńdeýden ótkizedi, usaqtap ammonıı gıdroksıdi nemese kómir qyshqylynyń natrıı tuzyn óńdeıdi de súzgiden ótkizip boıaǵysh ázirleıdi.

Karmındi qandaı taǵamdardan kezdestirýge bolady?

Karmın boıaǵyshyn buryn tek kıim jáne sýret salýǵa ǵana qoldansa, keıin azyq-túlik boıaǵyshyna aınaldyryp alǵan. Kópshilik jaǵdaıda karmın boıaǵyshy ár berip turý úshin et taǵamdaryna qoldanylady. Sonymen qatar E 120 qospasyn irimshik, sút taǵamdary, marmelad jáne kondıterlik ónimder men balmuzdaq, ketchýp, soýs, qysha, alkogolsiz jáne alkogoldi sharaptardan kezdestirýge bolady. Karmın boıaǵyshy qosylǵan taǵam, sýsyndar ádette shıe, tańqýraı, qulpynaı jáne jıdek dámimen bolady. 

Karmındi qoldaný týraly sharıǵat ne deıdi?

Jándikten alynǵan karmın boıaýyn qoldanýǵa sharıǵat ruqsat etpeıdi. Ońtústik-Afrıkanyń halal boıynsha Ulttyq assotsıatsııasy tekseris júrgizip, koshenıl boıaǵyshyn haram dep tapty. Sonymen qosa, karmın qosylǵan dalaptardy da qoldaný durys emes.