Elbasy joldaýy – jarqyn bolashaq kepili
Elbasymyz Nursultan Nazarbaev jyl saıyn el halqyna Joldaý jasap, el damýynyń deńgeıi, baǵyt-baǵdary týraly keńinen baıandap keledi. Igi úrdis Memleket basshysynyń bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda jalǵasty. Respýblıkanyń saıası-Ekonomıkalyq damýy, bilim-ǵylymǵa den qoıý, jastar saıasaty, zamanaýı tehnologııa jetistikterin jete meńgerý, mádenıet-rýhanııat salasyndaǵy mejeli mindetter jaıy osy Joldaýda keńinen kórinis tapty.
Qazaqstan turǵyndarynyń ál-aýqatynyń artýyn nazarǵa alǵan basty qujat turmys pen tabys sapasyn arttyrý maqsattaryn aıqyndap berdi. Ustazdar kúni merekesine tuspa-tus kelgen bıylǵy Joldaý elimizdegi barsha oqytýshy qaýymǵa tosyn syı bolǵandaı. «Kelesi jyldan bastap Muǵalim mártebesi degen jańa zań qabyldaýdy tapsyramyn» degen Elbasy sózi bilim berý salasy mamandary úshin kópten kútken qýanysh edi.
«Alty alashtyń balasy bas qosqan jerde, tórdegi oryn muǵalimdiki» degen qaǵıdatty ustanǵan Elbasy kezekti Joldaýynda «Ustaz mártebesin» erekshe atap aıtty. «Pedagog mártebesi týraly» zańnyn ázirlenýi – adam kapıtalyn qurmetteýge baǵyttalǵan qutty qadam. Qoǵamda muǵalimniń mártebesi joǵary bolsa, bul mamandyqqa degen jastardyń umtylysy zor bolady. Asyl dinimiz de bilim-ǵylymǵa erekshe mán berip, Qurannyń alǵashqy aıatynyń ózi «oqy!» dep túskenin eskersek, sol oqýdy úıretetin oqytýshy qaýymnyń mártebesi dástúrli ata dinimizde de erekshe oryn tapqanyn baıqaımyz.
Árbir pende esi kire bastaǵannan dúnıeni tanyp-bilýge, zerdeleýge talpynady. Bir qyzyǵy, bul dúnıeden habarsyz jańa týǵan sábıden eseıe kele, álemdi aýzyna qaratqan dana da, oıshyl da shyǵady. Osynaý aqyl tolystyryp, bilimin shyńdaý saparynda ol bir adamǵa erekshe qaryzdar ekenin sezinedi. Ol – ustaz.
Islam dininde ilim úıretýshi ustazdyń orny joǵary baǵalanǵan. Ilim úıretý – eń saýapty ári qadirli is bolyp esepteledi. Súıikti paıǵambarymyz Muhammed (s.ǵ.s.): «Ilim úırenińizder, ilimge qajetti baıyptylyq pen baısaldylyqty da qosa úırenińizder. Sizderge ilim úıretken adamdy qurmetteńizder, syılańyzdar», – dep, adamzat ómirinde ustaz tuǵyrynyń qashan da bıik turatyndyǵyn eskertken.
Elbasy elep ótken, elimizdiń eńseli, damyǵan eldermen teń dárejege jetkizý maqsatynda usynǵan irgeli jobalary bizge tereń oı saldy, úlken jaýapkershilik júktedi. Jańa jahandyq úderistiń álemge jaıylýy bizdiń memleket úshin de bolashaqqa baǵdar jasap, óz baǵdarlamasyn bekitýdi qajet etedi. Zamanǵa sáıkes jańǵyrý búginde barsha memlekettiń aldynda turǵan mindet. Eki dáýir toǵysqan syndarly kezeńde ulttyq negizimizdi saqtaı otyra, túbegeıli jańǵyrý men rýhanı órkendeýdiń, baıandy bolashaqqa naqty qadam jasaýdyń tarıhı múmkindigin Memleket basshysy aıryqsha anyqtap, halyqqa joldady. Biz Elbasymyzdyń máńgilik eldiń rýhanı jańǵyrýynyń bolashaq baǵdaryna arnaǵan osynaý memlekettik mańyzy aıryqsha úndeýin biraýyzdan qoldap, jumyla jumys jasaýymyz mindet dep túsinemiz. Ult rýhanııatyn máńgilik el ıdeıasy negizinde saqtap, keleshekke kemel túrde jetkizý jolynda barshamyz jan aıanbaı ter tógip, eńbek etýimiz lázim.
Alla Taǵalanyń taǵdyrymyzǵa jazǵan táýelsizdik atty amanatyn saqtaý árbir qazaqstandyqqa asyl mindet. Alla osy táýelsizdigimizdi tuǵyrly, bolashaǵymyzdy baıandy qylǵaı. Ámın!
Naýryzbaı qajy TAǴANULY,
Qazaqstan musylmandary dinı basqarmasy
tóraǵasynyń birinshi orynbasary, naıb múftı,
Astana qalasynyń bas ımamy.
