ER ADAM ÁIELINE QALAI QARAÝY KEREK?

Jubaılardyń baqytty otbasyn quryp, súıispenshilikte ómir súrýleri úshin áıel adamdarmen qatar, er adamdar da otbasyndaǵy mindetterin durys atqara bilýleri asa mańyzdy. Otbasyn asyrap, kerek-jaraǵyn qamtamasyz etýmen birge er adam myna nárselerdi jasaýy tıis:

1. Alla taǵala erlerge áıelderine durys qarap, syılastyqta bolýdy buıyrdy: «Jubaılaryńmen jaqsy qarym-qatynasta bolyńdar» («Nısá» súresi, 19-aıat).
2. Jumystan sharshap kelseńiz de áıelińiz ben balalaryńyzǵa az ǵana ýaqytyńyzdy bólińiz.
3. Kemshiliksiz pende bolmaıdy. Áıelińizdiń qatelikterin betke basqannan góri, jaqsy jaqtaryn kóbirek baǵalańyz.
4. Qandaı jaǵdaı bolmasyn ashýyńyzdy jeńe bilińiz.
5. Jyly sóz jan jylytady. Áıelińizben kóbirek tildesip, syrlasyńyz. Mahabbatyńyz ben jyly sózińizdi aıamańyz.
6. Áıelder maqtaǵandy unatady. Ol tabıǵatyna tán nárse. Sondyqtan «seniń osynyń durys», «seni maqtan tutamyn» degen sııaqty sózder aıtyp, kóńilin aýlap qoıyńyz.
7. Olardyń qısyq qabyrǵadan jaratylǵanyn umytpańyz.
8. Otbasy máselelerin ekeýińiz aqyldasyp, onyń da pikirimen sanasyp, ortaq sheshim qabyldańyzdar.
9. Áıelińiz – balalaryńyzdyń anasy, ómirlik joldasyńyz. Eshqashan dóreki sóılep janyn jaralaı kórmeńiz.