«ǴAPYLDARDAN BOLMA» («Baqara» 7205)

Myna ǵıbraqa toly hıkaıaǵa nazar aýdarsaq, Emen aımaǵynda turatyn jomart bir adamnyń Sana qalasyna jaqyn mańda júzim, qurma jáne taǵy basqa da jemister egetin baqshasy bolypty. Ol kisi ónim jınaıtyn kezinde kedeı-kepshikterge, jańashyry joqtarǵa, shamasy joq álsizderge zeket berý úshin, ónimniń basym bóligin arnaıy bólip alyp, taratyp shyǵatyn. Qartaıyp boıynan qýaty ketip, dúnıeden ótkende, balalary dúnıege salynyp:

«Januıamyzda az adam emespiz. Asyp bara jatqan dúnıemizde joq. Budan bulaı kedeılerge eshteńe bermeımiz. Olar kelmeı turyp, ónimimizdi jınap alaıyq!..» – dep ózara kelisedi. Alla Taǵala olardyń jaman nıetterine qaraı baqshalarynyń astań-kesteńin shyǵaryp, jermen-jeksen etedi. Orasan jerdi alyp jatqan baqsha adam tanymastaı qalge keledi. Muny kórgen sarań jigitter ne bolǵanyń bilmeı ábirjip: «Biz osy jolymyzdan adasyp qaldyq-aý shamasy?» – degennen basqa eshteńe aıta almaı qalady. Olar ákeleriniń jomarttyq tanytyp, muqtajdardyń kóńilin aýlap, kedeılerdiń qaıyrly duǵasyn alýy baqshasynyń ónimin odan saıyn berekettendiretininen maqrum edi.

Ol jerdegi barsha kedeıler men joq-jitikter baqshadan óz násipterin alyp júretin-di. Biraq balalary ákeleriniń taratqan zeketi orasan zor bolyp kórinip, ony bergileri kelmeıtin.

Olar Allanyń baqsha men egindikke bergen bereketiniń qaıdan keletininen maqrum bolatyn. Óıtkeni, ǵapyldyq pen dúnıege salynýy olardyń júrekterin qaraıtyp kórsoqyrlyqqa ıtermeledi. Sondyqtan da Alla Taǵala Quran Kárimde bylaı degen: «Ǵapyldardan bolma» («Baqara» 7205). «Jaqsyny arman azdyrar, jamandy qulqyn tozdyrar» – degen naqyl sózdiń syry osynda jatqan bolar.

Nursultan QALDARHANULY