ǴAIBATTAN - ÓSEKTEN QAITARÝ

28 aqpan 2024 579 0
Оqý rejımi

Ibn Abý Najıh aıtady:

 “ Bir alasa boıly áıel Paıǵambarymyzdyń aldyna kirdi. Ol áıel shyqqannan soń, Aısha anamyz:

 ”Boıy óte kishkentaı eken”,- dedi.

Paıǵambar (s.a.ý):  

“Cen ony ǵaıbattadyń”, - dedi.Sonda Aısha anamyz:

“Ne degen bolsam, ondaǵy bar narseni aıttym ǵoı”, - dedi.

Paıǵambar (c.a.ý) aıtty:

”Sen ondaǵy eń jaman nárseni aıttyń” - dedi.

Abý Saıd Hýdrıı rıýaıat etedi:

 Paıǵambar (s.a.ý):

 “Mıraj túni bir qaýym denesindegi bir bólik etti kesip alyp, ony jep turǵan kezinde olardyń qasynan ótip qaldym.

Keıin olarǵa Jábireıil (a.s) bylaı dedi:

”Dostaryńyzdyń etin jegenińiz sıyqty, jeı berińizder” - dedi.

Men:

 “Eı, Jábireıil (a.s), olar kimder?” – dep suradym.

Haziretti Jábireıil:

“Olar úmetterińizdiń arasyndaǵy ósekshiler”, - dep jaýap berdi.

Jabır Ibn Abdýllah bylaı rıýaıat etedi:

 ”Paıǵambarymyzdyń (s.a.ý) dáýirinde bir sasyq ıisti jel soǵady edi. Sonda Paıǵambarymyz (s.a.ý):

 “Munafyqtar musylmandardy ǵaıbattady, sol úshin sasyq ıisti jel turdy“, - dedi.

Ǵulamalardyń keıbireýinen:

“Paıǵambar (s.a.ý) dáýirinde ǵaıbat ósek aıtylsa tóńirek sasyp ketetin, sóıtip ǵaıbat ósek aıtylǵany bilinetin. Al, bizdiń dáýirimizde ol sasyq nege sezilmeıdi? -dep suralǵanda:

“Óıtkeni, bizdiń dáýirimizde ósek kóbeıip, muryndarymyz ǵaıbattyń sasyq ıisimen tolyp bitken. Munyń uqsasy:

«Bir adam teri ıleýshilerdiń janyna kirse, ondaǵy sasyq ıisten oladyń janynda tura almaıdy. Biraq ol jerde jumys isteýshiler jaıbaraqat istep, tamaqtana beredi. Óıtkeni olar ol ıiske ábden úırenip ketken. Bizdegi qazirgi ǵaıbat isteri sondaı jaǵdaıda», - degen.

Sýddııdan: Salman Farsıı (r.a) birde adamdarmen birge saparda shyǵady. Olardyń arasynda Ýmar (r.a) da bar edi. Olar bir jerge barǵanda toqtap, shatyrlaryn quryp, tamaq isteı bastaıdy. Salman bolsa uıyqtap qalady. Sodan saparlastardyń bireýi:

 «Bul qul daıyn shaıyrlary jatyp, pisirilgen daıyn tamaqdy ǵana qalaıdy», - dedi. Joldastary Salmandy oıatyp:

«Paıǵambar (s.a.ý) aldyna bar jáne bizge tamaq sura», - dedi. Sosyn Salman Paıǵambarymyzdyń aldyna kelip, olardyń suraǵanyn aıtty. Sonda Paıǵambarymyz (s.a.ý) Salmanǵa:

«Olarǵa aıt, olar tamaqtandy» - dedi. Salman bolsa dereý Paıǵambarymyzdyń (s ǵ.s) sózin jetkizdi. Olar:

 «Tamaqtanǵamyz joq» - dedi. Sonda Salman Farsıı (r.a): «Paıǵambarymyz (s.a.ý) ótirik sóılemeıdi», - dedi.

Sosyn olardyń barlyǵy Paıǵambarymyzdyń (s.ǵ.s) aldyna keldi.

Allah Elshisi (s.ǵ.s) olarǵa:

 “Sizder baýyrlaryńyzdyń etinen jedińizder. Óıtkeni ol uıyqtaǵan kezde, ol jóninde ne aıtqan bolsańyzdar, sol”, - dedi.

 Jáne:

“Eı, múminder! ,Kúmánniń kóbinen saqtanyńdar. Óıtkeni, kúmánniń keıbiri kúná“.

“Bireýlerińiz bireýlerińizdi ǵaıbattamańyzdar. Sizderdiń bireýlerińiz ólgen týysynyń etin jegendi jaqsy kóre me? Árıne jekkóredi” - degen Hýjýrat súresiniń 12- aıatyn oqydy. Sondyqtan ólgen týysqanyńyzdyń etin jegendi qalaı jek kórsenizder, týysqanyńyz, dosynyz joq jerde, tipti kim bolsa da, ony syrtynan ǵaıbattaýdan saqtanyńyzdar.

Hasan Basrııge bir adam:

 ”Bireý sizdi ǵaıbattady“ - dedi. Sonda Hasan Basrıı álgi ózin ǵaıbattaǵan adamǵa bir tabaq qurma jiberip:

“Sen ózińniń jaqsylyq qasıetterińdi maǵan hadııa (syılyq) etipsiń. Men bul isin úshin seni marapattaýdy qaladym. Senen keshirim suraımyn? Seniń syılyǵyndy tolyq etip qaıtarýǵa shamam jetpedi!“ - depti...

 

Pіkіrler Kіrý