ILIMSIZ QULShYLYQ-BOS QULShYLYQ

Abaı atamyz 10-qarasózinde: «Ǵylymsyz aqyret te joq, dúnıe de joq. Ǵylymsyz oqyǵan namaz, tutqan oraza, qylǵan haj, eshbir ǵıbadat ornyna barmaıdy»,-degen eken. 

Bir kúni Ábý Hanıfa tań namazynan keıin kóptegen máselelerge pátýa beredi. Kópshiliktiń ishinde otyrǵan bireý ımamnyń bunysyn asa jaqtyrmaı:

– Ýa, ımam, tań mezgilinde Allany zikir etkenimiz durysyraq emes pe edi? – deıdi. Sonda ımam oǵan:

– Ár nárseniń adal, aramyn bildirýden artyq is bar ma? Jolǵa azyq almaı shyqqan adam qansha júredi, áıteýir bir ashyqpaı ma? Sondyqtan qulshylyq úshin de adam ilimin arttyryp otyrýy kerek, – dep túsindiripti.