Imandylyq – ıhsan iliminde!

11 naýryz 2021 6229 0
Оqý rejımi

Islam – eń sońǵy din, Alla Taǵalanyń máńgilik bolyp qalatyn joly, adam balasynyń ómir súretin zańy, bul zań bir zamanǵa, bir mekenge, bir ultqa, ulysqa nemese bir belgilengen memleketke baılanysty emes, bul din búkil adam balasyna Alla Taǵala tarapynan jiberilgen eń sońǵy din.

Alla Taǵalaǵa myńdaǵan shúkirlik etip, táýbe deýimiz kerek, sebebi Alla Taǵala búgingi kúnde bizderge bul dindi úırenýimizge, úıretýimizge barlyq jaǵdaı jasap berip otyr.

Bul dinniń jolyn úırenýge jáne úıretýge kóptegen aıattar men hadıster jiberilgen. Bul maqalamyzda Islamnyń negizi bolyp eseptelinetin ıman týraly baıandap bermekpiz. Iman – Islam dininiń irgetasy, adaldyq pen ıslamdyq ıdeologııany kúsheıtetin jáne oı-sezimimiz, dúnıetanymymyzdy ıslamı turǵydan kýattaıtyn, bul dúnıeniń bastalýy sol Jaratýshydan ekendigin ári búkil ǵalamnyń jaratylysy da sonyń qolynda ekenin dáleldeıtin ǵylym. Ol Allaǵa ıman keltirý, ıaǵnı Allanyń barlyǵyna sený degen uǵymdy beredi.

Imany bar adam barlyq jerde de ózin Alla Taǵalanyń kórip turǵanyn bilip turady, Alla Taǵalanyń onyń istegen amalyn kórip turǵanyn sezip turady. Quranda mynandaı aıat bar: «Alla Taǵalanyń ony kórip turǵanyn shyn bilmegeni me?»[1]. Iaǵnı, pendeniń árbir istegen isi, amaly Alla Taǵalaǵa aıan, álbette Alla Taǵala ony kórip turady. Bul ımandy qalbı ıman deıdi, ıaǵnı júrektegi ıman. Júrektegi senim myqty bolsa, bul qalbı ıman adamnyń júrektegi bir sakshysy bolyp ornyǵady, qalaı adam úkimettiń polıtsııasynan qorqyp, urlyq-qarlyqqa barmaıdy, sol sııaqty bizdiń júregimizde qalbı ıman ornyǵyp alatyn bolsa, ol adam eshqashan bireýge qııanat jasaýǵa, kúná jasaýǵa, bir musylmanǵa zııan keltirýge barmaıdy.

Osyndaı ımany myqty adamǵa erik berip, sen aýyr kúná jasaýyń kerek, bolmasa qıynshylyqqa dýshar bolasyń dese, Allaǵa ımany myqty adam álbette qıynshylyqty ózine tańdap alady, ol Allanyń aldynda kináli bolýdy nemese bir musylman baýyryna qııanat jasaýdy ózine laıyq kórmeıdi.

Qurannan osyǵan baılanysty Júsip pen Zylıhanyń qıssasyn mysal retinde keltirýge bolady. Zylıha arbap, azǵyryp Júsipti (ǵ.s.) óziniń saraıyna kirgizip, onymen tósektes bolýdy oılaıdy. Zylıhanyń saraıynda bir tastan jasalǵan put turǵan edi. Esik-terezeni jaýyp bolǵan soń, sol puttyń ústin de bir shúberekpen japty. Sońda Júsip (ǵ.s.): «Nege bulaı istediń?» – dep surady. Sonda Zylıha: «Bul put – meniń Qudaıym, onyń kóz aldynda senimen bolǵanymnan jáne kúıeýime istegen qııanatymnan uıalamyn», – dedi. Zylıhanyń kúıeýi bar edi, ol Mysyr patshasynyń ýáziri bolatyn. Sonda Júsip (ǵ.s) Zylıhaǵa aıtty: «Bul tas ne kórmeıdi, ne estimeıdi, al onyń aldynda kúná jasaýdan sen uıalasyń, onyń ústin shúberekpen jabasyń. Al men kúni-túni menimen birge bolatyn óz Qudaıymnan uıalmaımyn ba, senimen kúnáǵa barǵanyma?!». Osy sózdi aıtyp ol birden qashty. Zylıha endi ony qorqytýǵa kiristi. Ol Mysyr shaharynyń eń sulý jáne eń baı áıelderiniń biri edi.

Bul qıssa búgingi jastarǵa ımandylyq týraly sabaq bolýy kerek, olar da Júsip sııaqty amal etýleri kerek! Zylıha aıtady: «Meniń aıtqanymdy istemeseń seni zyndanǵa tastaımyn, qol aıaǵyńa kisen salyp qamap qoıamyn. Sonda Júsip (ǵ.s.) ózine aıtty: «Iıa, Alla! Zylıhanyń aıtqanyna kónip, kúnáǵa barǵanymnan góri bul dúnıeniń qıynshylyǵy, zyndannyń qıynshylyqtary men úshin jeńil bolady. Bul dúnıeniń barlyq qıynshylyqtaryna shydaýǵa daıynmyn, tek seniń ǵazabyńnan, qaharyńnan qorqam»

Bul – myqty ımannyń belgisi. Júrektegi ımannyń taǵy bir paıdasy – ol adam boıyndaǵy ar-ojdandy oıatyp, tiriltedi.

Iman degenimiz – tazalyq, páktik. Kóńil tazalyǵy, senim tazalyǵy, ar tazalyǵy, oı-túısik tazalyǵy, jalpy aıtqanda jan tazalyǵy. Mine, osy Islam aqıdasynyń negizi – Iman. Alla Taǵaladan biz úshin jáne barlyq musylmandar úshin osy ımanymyzdy kámil etýin tileıik.

Alla Taǵala barshamyzdy ómirimizdi ımandy etip ótkizýge jazsyn! Áýmın!

Iahııahoja Ismaılov
«Yryskeldi qajy» meshitiniń Bas ımamy

 


[1] «Alaq» súresi, 13-aıat

Pіkіrler Kіrý