IMANNAN MAHABBAT TÝYNDAIDY
Paıǵambarymyz (s.a.ý.): «Senderdiń eshqaısylaryń meni janynan, mal-múlkinen, balalarynan, ákesinen jáne barlyq adamdardan jaqsy kórmeıinshe, shynaıy ıman keltire almaıdy», - deıdi.
Bir adam Paıǵambarymyzdan (s.a.ý.): «Men qashan naǵyz múmın bolamyn?», - dep suraıdy.
«Alla taǵalany jaqsy kórgende» - deıdi.
«Ne istesem Alla taǵalany jaqsy kórgen bolamyn?» - dep suraıdy.
«Onyń paıǵambaryn jaqsy kórgende» - deıdi.
«Paıǵambardy jaqsy kórý úshin ne isteý kerek?» - dep suraıdy.
«Paıǵambardyń jolyn ustanyp, súnnetin oryndap, onyń jaqsy kóretinderin jaqsy kórip, jek kóretinderin jek kórseńder, onyń dostaryn dos, qamqorshy tutsańdar jáne onyń dushpandaryn dushpan sanasańdar, Paıǵambardy jaqsy kórgenderiń.
Adamdardyń ıman dárejesiniń aıyrmashylyǵy olardyń maǵan degen súıispenshilik dárejesine saı keledi. Adamdardyń kúpirlik deńgeıi de olardyń maǵan degen óshpendiligi men dushpandyǵyna baılanysty keledi. Meni súımegen adamda ıman joq. Abaılańyz, men súımegen adamda ıman joq!».
Paıǵambarymyzdan (s.a.ý.): «Biz boısunǵysh múmınderdi kóretinimiz sııaqty, boısunbaıtyndaryn da kórip júrmiz. Munyń sebebi nede?» - dep surady.
«Kimde-kim ıman lázzatyn sezse, onda boısunýshylyq bolady. Kimde-kim ıman lázzatyn seze almasa, onda boısunýshylyq bolmaıdy» - dep jaýap beredi.
«Iman lázzatyn qalaı sezinýge bolady, oǵan qalaı jetýge bolady?» - dep suraıdy.
«Alla razylyǵy úshin jaqsy kórýdegi shynaıylyq arqyly bolady».
«Alla jáne Paıǵambarynyń razylyǵyna, Allany jáne Paıǵambaryn jaqsy kórý arqyly jetesińder» - deıdi.
