KEDEI BOLSAŃ DA ÚILEN

«Bas ekeý bolmaı, mal ekeý bolmaıdy» dep jatamyz. Óıtkeni shańyraq qurǵannan keıin adamnyń eńbekke degen qulshynysy da artady. Dúnıesin únemdeýdi, eseptep, oryn-ornymen jumsaýdy úırenedi. Al únemshil úıge bereke jaýady.

Quranda bylaı delingen: «Eger olar kedeı bolsa, Alla olardy sheksiz sharapatymen baıytady»[1].

Shańyraq qurý jastardy baısaldylyqqa, sabyrly, tózimdi bolýǵa tárbıeleıdi. Ushqalaqtyq pen jeńiltektikten aryltyp, aqyldy tolystyrady. Úılený arqyly adam balasy ózin túrli kúnálardan qorǵaıdy.

Bul týrasynda Paıǵambarymyz (s.ǵ.s.): «Ýa, jastar, aralaryńdaǵy úılenýge shamasy jetetinder úılensin. Sebebi, kóz zınasynan da, is-áreketpen jasalatyn zınadan da eń kúshti saqtaný joly – úılený. Buǵan shamasy jetpegender oraza ustasyn. Sebebi, oraza ol úshin qorǵan»,[2] – dep keńes bergen.