Kórkem minezdiń mártebesi

15 naýryz 2021 722 0
Оqý rejımi

Kórkem minez degenimiz adamdy jaqsylyqqa jeteleıtiń barlyq ádepti, sypaıy is-áreketteri men boıyndaǵy asyl qasıetteri. Sonymen qatar kórkem-minez adamnyń basqa adamdarmen qarym-qatynasy kezindegi sóılesý ádebi, qurmet kórsetip izet bildirýi jáne qatynas barysyndaǵy ishki jan dúnıesiniń tazalyǵyna baılanysty.

Ábý Darda (r.a.) jetkizgen hadıste Allanyń elshisi (s.ǵ.s): «Qııamet kúni múminniń tarazysynda kórkem minezden aýyr basatyn esh nárse bolmaıdy. Rasynda, Alla Taǵala beıpil aýyz dórekini jek kóredi»[1], – degen.

Osy hadıske nazar aýdaratyn bolsaq, paıǵambarymyz Muhammed (s.ǵ.s) qııamet kúni mızan tarazysynda saýaptar men kúnálardy ólshegen kezde kórkem minezden aýyr basatyn esh nárse joq dep, dárejesi óte joǵary ekenin bizge jetkizip jatyr. Súıikti paıǵambarymyz Muhammed (s.ǵ.s) musylman qaýymyna ımandylyqqa bet burǵannan keıin óziniń jeke tulǵasymen jumys jasap, ádebimen ahlaǵyna mán berý kerektigin nasıhattaýda. Óıtkeni hadıstiń aıaǵynda Alla elshisi (s.ǵ.s) Alla Taǵalanyń aýzyna kelgenin laǵyp sóıleıtin beıpil aýyz dórekini jek kóretiniń bizge eskertedi.

Árıne, musylmandar úshin ónege tutatyn adam – paıǵambarymyz Muhammed (s.ǵ.s). Árbir musylman óziniń kúndelikti ómirinde árbir isti paıǵambarymyzdyń (s.ǵ.s) súnnetine saı atqaryp, ózinin minez-qulqyn da paıǵambarymyzdyń (s.ǵ.s) minez-qulqyna saı ustaǵysy keledi. Degenmen,  qazirgi tańda qoǵamda jáne musylmandar arasynda óte jetispeıtin asyl qasıetterdiń biri osy – kórkem minezdilik. Islam dini tek qana qulshylyqtan quralmaıdy, ıaǵnı paryzdardy ǵana oryndaıtyn din emes, Islam dini –kúndelikti ómirimizde paıdalanatyn jáne qoǵamdaǵy adamdardyń qarym-qatynasynan turatyn din bolǵandyqtan, ádepke, minez-qulyqqa óte qatty mán beretin din. Sondyqtan kórkem minezdiń barsha ómirimizdiń kezinde alar orny erekshe bolmaq.

Qorytyndylap aıtatyn bolsaq, kórkem minez árbir musylmannyń ómirinde alar orny erekshe bolǵan qasıetterdiń biri. Qııamet kúni qulshylyq ǵıbadattarymyz Alla Taǵala tarapynan qabyl bolyp, Alla Taǵalanyń rahym-meıirimine bólenýdi oılasaq, qazirgi tańnan bastap árqaısymyz óz minez-qulyǵymyzǵa mán berýimiz kerek. Óıtkeni qııamet kúni Alla Taǵala aldynda dárejemizdi kóteretin de nemese tómendep túsip ketýine de sebepker bolatyn nárse, ol – kórkem minez.

Dastan Smaǵulov
«Ás-Sálam» meshitiniń Bas ımamy

 


[1] Tırmızı.

Pіkіrler Kіrý