KÚSh QUDIRET IESI ALLA TAǴALA

Paıǵambarymyz (s.a.ý.) bylaı deıdi: «Eshkim estigen aýyr sózderge Alla Taǵaladan artyq sabyr etýshi emes. Óıtkeni, Oǵan (Allaǵa) serik qosylyp, balaly dese de (Onyń balasy bar dese de) Ol (Alla Taǵala) sol quldaryna da ryzyq, nesibesin toqtatpaıdy». («Sahıh Múslim»)

Alla Taǵala Qasas súresiniń 71,72,73-aıattarynda quldaryna degen meıirimin aıtyp, hamd pen maqtaýǵa laıyq ekendigin bildiredi. Tún men kúndizdiń úlken tártippen bir-biriniń kezektese kelýin hıkmet pen paıdasyn, ásirese bulardyń meıirimniń belgisi ekenin meńzep:

«(Muhammed a.s.) olarǵa bylaı dep aıt: «Kórdińder me? Eger Alla Taǵala senderge qııamet kúnine deıin udaıy qarańǵy qylsa, Alladan basqa senderge jaryq keltiretin Qudaı kim? Estimeısińder me?

Kórdińder me? Eger Alla Taǵala senderge qııamet kúnine deıin udaıy kúndiz qylsa, Alladan basqa senderge onda tynyǵatyn tún keltiretin qudaı kim? Kóz salmaısyńdar ma?

Alla, senderge óz márhametinen túndi tynyǵý, kúndizdi keńshiligin (ryzyq) izdeýleriń úshin jaratty. Árıne shúkirlik etersińder». 

Mine Alla Taǵala munda ýádesi men eskertýin "nadandyqtan oıansyn, isterin, senimderin, amaldary men minezderin durystasyn" dep quldaryna eskertken. Bul eskertý tek quldarynyń paıdasy úshin ǵana. Áıtpese Alla Taǵala quldardyń shúkirine, qulshylyǵyna muqtaj emes.