MÁŃGILIK BAQYTQA ILIM, AMAL JÁNE YQYLASPEN JETEDI

Imam Rabbanı kýddısá sırrýh aıtady:

“Adamnyń máńgilik baqytqa qol jetkizýine úsh nárse qajet:

Ilim, amal jáne yqylas.

Ilim eki túrli:

Birinshisi, amal jasaý úshin úırengen ilim, bul fykyh ilimi.

Al ekinshisi, ıtıkad (senimge) qatysty jaǵy. Buǵan baılanysty máseleler fyrka nájııá (azaptan qutylǵan qaýym) bolǵan áhlı súnnet ýá jamaǵat mázhabynyń ustanymy, bul ilim kálamda (aqaıd kitaptarynda) jan-jaqty baıandalǵan.

Áhlı súnnet ýá jamaǵattyń úlkenderine baǵynbaı azaptan qutylý múmkindigi joq. Eger olarǵa qyldaı qarsylyq bolsa, zor qaterdiń tóngeni. Ári qandaı qater deseńshi!..

Bul sóz sahıh ...

Bul sózderdiń jańsaq bolýy da múmkin emes.

Áhlı súnnet ýá jamaǵatqa baǵynyp, solardyń jolymen júrýge qol jetkizgenderge súıinshi!

Al mynadaı adamdardyń hali múshkil:

Áhlı súnnet ýá jamaǵat úlkenderine qarsy shyqqan, olardan syrt aınalǵan, olardyń jón-joralǵysyn tárik etip, olardyń qatarynan shyǵyp, adasqandar men adastyrýshylar;

Rýıát (múminderdiń Jánnatta Ilahı dıdardy kórip qurmetke bólenetini) men shapaǵatty joqqa shyǵarýshylar;

Paıǵambarymyzdyń (s.a.ý.) suqbatynyń izgiligin jáne sahabalardyń artyqshylyǵyn túsinbeıtinder;

Rasýlýllahtyń áhlı báıtine jáne Fatımanyń balalaryna súıispenshilikten maqrum qalyp, áhlı súnnetke buıyratyn kóp qaıyrdan aırylǵandar.

Mine, olardyń aqyry ókinishti. (Máktýbat Imam Rabbanı, Fazılet baspasy, t. 1, h. 59)