MÁÝLÁNÁ RÝMIDIŃ ÓMIRDIŃ ÓTKINShILIGI JAIYNDA AITQANDARY
Hazireti Máýláná (quddısá sırrýh) adamnyń jastyq, sergektik jáne tyń kezderi men onyń sońyndaǵy kútilmegen syılyqtar jıyntyǵyn jáne ýaqytsha ermekterin myna mysaldar arqyly túsindiredi:
«Eı, kóktemniń sulýlyǵyna tań qalǵan adam! Bir sát kúzdiń sarǵaıǵan hali men sýyǵyna da qara!»
«Tań shapaǵy týǵanda ásem kúnniń týǵanyn kórgen kezde, batqan ýaqyty onyń ólimi bolyp sanalatyn batýyn da esińe al!»
«Myna tamasha aıly túnde tolǵan aıdyń ásemdigin tamashalaısyń. Endi bir sát onyń eń sońynda tap bolar álsizdigi men tolǵan kezine deıingi saǵynyshyn oıla!»
«Adamnyń basynan da osy oqıǵa ótedi. Kemeldigi men sulýlyǵy bir kúni batady».
«Súıkimdi bala bir qarasań súıkimdiligimen halyqqa súıikti bolady. Bir az ýaqyttan keıin, aljyǵan qartqa aınalyp halyqqa masqara bolady!»
«Eger kúmis tándi sulýlar seni baýrap alsa, qartaıǵannan keıin maqta egilgen jerge uqsaǵan tánge qara!»
«Eı, maıly-tátti tamaqtarmen tamasha tamaqtardy kórip tamsanǵan adam! Turyp ájethanaǵa bar da, onyń aqyrǵy halin sol jerde kór!»
«Nápsiń saǵan: Álgi aıtqan nárseleriń gúl edi. Men qurylǵan tuzaq edim. Sen kelip túzaqqa túsken kezde, gúl qýraǵan shópke aınalady».
«Ózge ustalardy sonsha tańqaldyrǵan sheber qoldar, keıin dirildep qalady».
«Sol sııaqty arystandardyń sapyndaǵy arystan ispetti er jigit te, bir kúni tyshqan sııaqty álsiz bireýden jeńiledi».
«Sol sııaqty ónerli ónerpaz adamnyń, aqyrynda álsirep, bısharalyq jaǵdaıǵa jetip, túkke jaramaıtyn halge túskenin kóresiń!»
«Sol sııaqty shıyrylǵan ásem sakal qartaıǵan kezde esektiń qúıryǵy sııaqty bolyp qalady».
«Osylardyń barlyǵynyń alǵashyndaǵy ásemdikterine qara. Sodan keıin olardyń qalaı búzylyp qańdaı jaǵdaıǵa ushyraǵandyǵyna qara!»
«Óıtkeni Bul álem sen sııaqtylarǵa tuzaǵyn quryp, sol arqyly qanshama kemeline jete qoımaǵan rýhtardy aldap ókinishke qaldyrǵan».
«Osylaısha álemniń árbir bólsheginiń alǵashqy hali men sońǵy halin kóz aldyńa elestet!»
«Kimde-kim nápsige qul bolýdan jáne kóleńkelerge aldanýdan qútylǵan bolsa, Allaǵa sonshalyqty jaqyn bolady».
«Sulýlyǵymen maqtanǵan, aıdaı jarqyraǵan árbir súlýdyń túrine qara! Biraq alǵashqy halin kórgennen keıin, onyń keıingi (qartaıǵandaǵy) beınesine de nazar sal, sonda shaıtan sııaqty jalǵyz kózdi bolý, ıaǵnı bir nárseniń dúnıelik jaǵyn ǵana kórý aqymaqtyǵyna tap bolmaısyń».
«Shaıtan adamnyń bolashaǵyn kórdi, biraq ulylyǵyn kóre almaıdy. Osy dúnıege tán bolǵan bolashaqty ǵana tamashalady. Biraq, o dúnıege tán rýhanı jaǵyn kórmedi. Shaıtannyń bile almaǵany - adamnyń Haq Taǵalanyń halıfasy bolǵandyǵy edi».
«Eı, adam, dúnıeden bir-birine qaıshy eki daýys shyǵady. Seniń júregińniń qaısysyn alýǵa qabileti bar? Ol daýystyń bireýi Allahqa jaqyndaǵandardyń hali, ekinshisi bolsa aldanǵandardyń hali!
Bul daýystardyń bireýin qabyldasań, ekinshisin estimeıtin de bolasyń! Óıtkeni, súıgen adam, súıgeninen basqany kórmeıdi de, estimeıdi de».
«Eı, dárýish aınadaǵy sońǵy naqyshqa (beınege) qara! Sulýdyń kartaıǵan kezindegi túri men bir ǵımarattyń úıindi bolǵan halin oılap, aınadaǵy jalǵanǵa aldanba!»
«Haq jolyndaǵylardyń estigen daýysyn aldymen estigender qandaı baqytty».
Hazireti Máýláná aıtqan bir-birine qaıshy eki daýystyń bireýi dúnıege beıimdilik, ekinshisi dúnıeden jıirkený. Olardyń qaısysyn tyńdap soǵan bet bursań, ekinshisinen qur qalasyń. Hadıs shárıfte:
«Dúnıe men aqyret, ortaq eki jubaı (kúndes áıel) sııaqty. Bireýin qanshalyqty razy etseń, ekinshisi sonshalyqty yza bolady!» - delinedi.
Iaǵnı, dúnıege shaqyrǵan daýys kóńilge ornyqsa, aqıreggiń nasıhaty ol kóńilge áser etpeıdi. Aqıretke shaqyrǵan daýys bir kóńilge ornyǵatyn bolsa, dúnıege shaqyrǵan daýysty estimeıtin bolady1.
1 Osman Nurı Toppash: «Bir shoq gúl». Hıkmet baspaúıi, Almaty.
