MUSYLMAN ADAMǴA ÓZGE DINNIŃ QULShYLYQ RÁSIMDERINE QATYSÝǴA BOLA MA?

Musylmandar qaı zamanda bolsyn basqa din ókilderine qurmetpen qarap, olardyń dinı rásimderin, qulshylyqtaryn oryndaýlaryna eshqandaı kedergi jasamaǵan. Alaıda bul olardyń dinı rásimderine qatysýǵa bolady, solarmen birge qosylyp qulshylyqty atqarýǵa ruqsat etiledi degen maǵynany bildirmeıdi.

Ózge din ókilderiniń qulshylyqtarynda Islam dininiń senimine qaıshy keletin sózder men is-áreketter qamtylatyny sózsiz. Al mundaı rásimderde musylman balasynyń júrýi durys emes.

Keıbir adamdar «bul dinı rásimge men tek qyzyqtaý nıetimen baramyn» deýi múmkin. Áıtse de ózge senim ıeleriniń dinı rásimderine qatysý sony jasaǵanmen teń bolatynyn este ustaǵan jón. Óıtkeni bul Paıǵambarymyzdyń (oǵan Allanyń salaýaty men sálemi bolsyn) «Kimde-kim bir qaýymǵa uqsasa, ol sol qaýymnan»[1], – degen hadısiniń aıasyna kiredi.

Sondyqtan musylman adamnyń qyzyqtap bolsa da ózge din ókiliniń qulshylyǵyna, dinı rásimine qatysýyna bolmaıdy.

QMDB Sharıǵat jáne pátýa bólimi