Musylmandy baqytqa jeteleıtin 10 jol

22 qyrkúıek 2020 498 0
Оqý rejımi

Jer betindegi barlyq adamzatty biriktiretin bir qasıet – ol baqytqa umtylý. Alaıda bizdiń nanym-senimimizge baılanysty baqytqa qol jetkizý ádisteriniń kóp túrleri bar. Negizinde, tek dindar adamdar ǵana shynaıy baqytqa qol jetkize alady, ıaǵnı ol ómir baqı jáne kelesi dúnıede de jalǵasady. Jaratqanǵa senimsizdik tanytyp baqytty bolamyn deý ánsheıin nárse.

Ózińizdi baqytty sezinetindeı jáne júregińizge tynyshtyq ornatatyn birneshe keńester usynamyz:

1. Árıne, eń alǵashqysy senim. Senim – adamdy baqytqa keneltip, onyń ómirine mán berip, janyna tynyshtyq beredi. Senim degenimiz baqyttyń ózi. Óz júregińizge senim uıalatyńyz, Allanyń razylyǵy úshin jaqsy istermen, nıettermen ımandylyqty kúsheıtińiz.

2. Adam tek búgingi kúnmen ómir súrmeý kerek, barlyǵy ózgeredi, aınalańyzdaǵy bolyp jatqan nárselerge qatysty sizdiń pikirińiz de, oıyńyz ben nıetińiz de ózgeredi.

3. Ótken isti qazbalaı bermeńiz, odan da bolashaqty oılańyz. Ótken is ótti, biz qansha qalasaq ta ótken is qaıtyp kelmeıdi, ony oılap jabyrqap, ókine bermeńiz, odan da ótkennen sabaq alyp, tájirıbe jınaqtap, ózińiz úshin shúkirshilik etip, jarqyn bolashaqty qurǵanyńyz jón.

4. Emotsııaǵa berilmeńiz. Durys oılap, aqyldylyq pen sabyrly bolý – jaman kóńil-kúı men kóptegen qatelikterden saqtaıdy. Kóptegen adamdar óziniń sezimi men Emotsııasynyń qurbany bolyp jatyr. Ashýǵa erik berip, ózin-ózi basqara almaı, sońynan ókinishi qalmaıdy.

5. Syndy kótere bilińiz. Adamdar bireýdiń qateligin kórip, kemshilikterin betine basýǵa beıim. Sondyqtan ózińizge ózińiz senimdi bolyp, kemshilikterińizden qutylyp, jaqsy qasıetterińizdi arttyryńyz. Basqalardyń ne oılaıtynyna emes, ózińizdi oılap, jaqsy bolýǵa tyrysyńyz. Al syn ózińizdi qaıta qalyptastyrýǵa jol ashady.

6. Jaǵdaıdy qalaı bar, solaı qabyldańyz. Ómirde qıynshylyqtar men máseleler jıi kezdesip turady. Bilgenińiz jón, ne bolsa da Allanyń qalaýymen bolady. Basyńyzǵa túsken qıynshylyqtardy Allanyń synaǵy dep túsinińiz. Artynan bir jaqsylyqtyń bolatynyna senińiz.

7. Qolyńyzdaǵy barǵa razy bolyńyz. Qanaǵatshyldyq – qolyndaǵy baryn qanaǵat tutyp, rıza bolatyn, baqytty adamnyń qasıeti. Qanaǵatshyl, qaıyrymdy adamdardy árdaıym úlken syı kútip turady, al qaıyrymsyz adamdar barǵa qanaǵat qylmaı, ylǵı shaǵymdanyp júredi. Siz kóresiz, estısiz, demalasyz, denińiz saý. Siz barsyz – munyń ózi baqyt emes pe? Osy úshin Alla Taǵalaǵa shúkirshilik etpeısiz be?

8. Sizdiń ómirińizde bolǵan jamandyqtan keıin jaqsylyq bolatynyn túsinińiz. Biraq sol jamandyqsyz baqytqa qol jetkize almaýyńyz múmkin.

9. Qandaı qıyndyqqa tap bolsańyz da ol máńgi emes. Quranda aıtylǵandaı: «Negizinde aýyrlyqpen birge jeńildik bar. Shyn máninde qıynshylyq pen birge bir ońaılyq bar. Endeshe bosaı qalsań jáne tyrys. Rabbyńa ǵana bel baıla» («Inshırah» súresi, 5-8 – aıattar). Al Allanyń ýádesi oryndalady. Esińizde bolsyn, qandaı jaǵdaı bolsa da, Sizge jaqsylyq bolyp qaıtady. Alla biledi, Siz – bilmeısiz.

10. Ózińizben salystyrǵanda, kimde az nárse bar soǵan qarańyz da soǵan razy bolyńyz. Esińizde bolsyn, Alla Taǵala, synaqqa sabyrmen qaraǵandardy jaqsy kóredi, sondaı adamdardyń qatarynan bolýǵa umtylyńyz.

Barlyǵy Alla Taǵalanyń qalaýymen jáne oǵan senim artyńyz. Biz úshin onyń qalaýy eń jaqsylardyń jaqsysy.

Nyǵymanova Nazerke

Pіkіrler Kіrý