Myna sózben bastalǵan duǵa mindetti túrde qabyl bolady

28 qańtar 2020 2784 0
Оqý rejımi

Alǵashqy musylmandardan bolǵan Saǵd ıbn Ábý Ýaqqas (r.a.) bylaı deıdi:

Bir kúni Paıǵambar meshitinde Hazireti Osmannyń (r.a.) janynan ótip bara jatyp, oǵan sálem berdim. Alaıda, Osman júzime qaraǵan kúıi sálemime jaýap bermedi. Men de múminderdiń ámirshisi hazireti Omarǵa (r.a.) baryp:

– Ýa, múminderdiń ámirshisi! Islam túsiniginde qandaı da bir ózgeris bar ma? – dep suradym. Bul suraǵymdy eki ret qaıtaladym. Omar (r.a.) da:
– Joq. Ózgergen eshteńe joq. Ne bop qaldy? – dedi. Men de:
– Joq, mańyzdy eshteńe joq. Tek jańa ǵana meshitte Osman bın Affannyń janynan ótip bara jatyp, oǵan sálem berdim. Ol bolsa maǵan tesile uzaq qarap turyp, sálemimdi qabyl almady, – dedim. Sol kezde Hazireti Omar Osmandy janyna shaqyryp kelý úshin habarshy jiberdi. Omardyń (r.a.) shaqyrýyna kelgen Osmanǵa (r.a.):
– Baýyryń Saǵdtyń bergen sálemine nege jaýap bermediń? – dep surady. Osman:
– Ondaı eshteńe bolmady, – dedi. Sol kezde men de:
– Joq, Osman sálemime jaýap bergen joq, – dep sózge aralastym. Buǵan Osman taǵy da:
– Ondaı eshteńe bolmady, – dep aldyńǵy sózin taǵy qaıtalady. Men de qaıtpaı: «Sálemime jaýap qaıtarmady», – dedim.

Shamaly ýaqyttan keıin Osmannyń (r.a.) esine túsip:

– A, endi esime tústi. Durys aıtady. Bul qylyǵym úshin táýbe etip, Alladan keshirim tileımin. Osydan birshama ýaqyt buryn sen qasymnan ótken ediń. Dál sol ýaqytta Paıǵambarymyzdan (s.ǵ.s.) estigen bir hadısti oılap otyr edim. Paıǵambarymyzdyń sózi esime túskende quddy kózim men júregime perde tartylǵandaı boldy. Kóre almaıtyndaı, estı almaıtyndaı boldym da qaldym. 

Sol kezde men oǵan:
– Olaı bolsa, ol sózdi saǵan men aıtaıyn, – dedim de mynany aıttym: – Bir kúni Paıǵambarymyz (s.ǵ.s.) eń mańyzdy duǵa jaıynda aıtpaq boldy. Sol sátte bir bádáýı kele qaldy da, Paıǵambarymyz (s.ǵ.s.) sonyń sharýasymen sóılesip ketti. Sodan soń Alla Elshisi (s.ǵ.s.) ornynan turyp úıine qaraı bet aldy. Men de artynan ilesip bardym. Úıine jaqyn qalǵanda, kirip kete me dep, aıaǵymdy daýys shyǵara basa tústim. Muny estigen Paıǵambarymyz (s.ǵ.s.) keri burylyp:
– Kimsiń? Senbisiń Ábý Ysqaq? – dedi.
– Iá, menmin, ýa, Allanyń Elshisi!
– Amanshylyq pa? Ne bop qaldy?
– Amanshylyq. Tek baǵana bizge mańyzdy bir duǵa jaıynda aıtpaq bolǵan edińiz… Alaıda, álgi bádáýı kelip sizdiń sózińizdi bólip ketti te, sózińizdi bitire almadyńyz, – dedim.
– Iá, aıtpaqshy… Aıtpaq bolǵanym Iýnýs paıǵambardyń (ǵ.s.) balyqtyń qarnynda bolǵan kezinde aıtqan duǵasy edi. Ol: «Ýa, Alla! Senen ózge eshbir qudaı joq. Óziń barlyq kemshilik ataýlydan páksiń! Shynynda men ózime zulymdyq etkenderden boldym»[1], – dep duǵa etken. Bir musylman duǵasyn osy sózden bastaıtyn bolsa, Alla Taǵala onyń duǵasyn mindetti túrde qabyl etedi»[2], – dedi.

Duǵanyń arabshasy: 

لَا إِلَـٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ

Transkrıptsııasy: Lá ıláhá ıllá ántá sýbhánáká ınnıı kýntý mınáz zalımıın

Saltan Saıranuly

 

 


[1] «Ánbııa» súresi, 87-aıat.
[2] Tırmızı: Daǵaýat, 82; Ahmad bın Hanbal: Músnád, I, 170

Pіkіrler Kіrý