NÁPSI
Birde bu jalǵannan baz keshken bir danadan surapty:
- jahannan jyraqtap, jalǵyz ómir súrý jalyqtyrmady ma, sizdi?
- ...joǵa, sharýam shash etekten: qos qyran men suńqarlarymdy qomdaımyn, qos qoıanymdy tynyshtandyram, jylanymdy jattyqtyram, esegime es kirgizip, arystanymnyń aptyǵyn basýdan bosamaımyn,- depti.
- táptishtep aıtqan tirshilik ıeleriniń birin de kórip turǵam joq, janyńyzdan. Qaıda olar?
- olardyń bári bizdiń ishki bolmysymyzda,- deıdi danagóı.
Qos qyranym jaqsy men jamandy qatar kóredi, sol ekeýin shatastyrmaı, durysyn dáp tanýǵa úıretem. Qyran degenim- qos janarym-kózderim.
Eki suńqarym tuıaǵymen tıgen jerin jaralaıdy, olardy mańaıyn maıyp qylmaı, ózgelerge kómektesýge kóndirem.
Eki suńqarym- eki qolym.
Qos qoıanym sekektep, bir tynbaıdy. Tyǵylady, qorqady, solardy tynyshtandyryp, qıyndyqtan qoryqpaýǵa, qashpaýǵa baýlımyn. Olar - eki aıaǵym.
Eń qıyny- jylanym. Torǵa tyǵyp qoısam da, jalt etsem, ýyn shashyp, ózgeni shaǵyp alýǵa dap-daıyn turady. Sondyqtan ony bes ýaqyt baqylaýda ustaımyn. Ol-tilim.
Esektiń máńgi moıny jumysqa jar bermeıtin jalqaý, sharshaý, qyrsyq ekenin bilesiń. Ol-tánim.
Sońǵysy, arystanymdy tuqyrtpasam, álemge ámirin júrgizip, patshalyq quryp, barshany basqarǵysy keledi. Ol -NÁPSIM...
Kórip turǵanyńdaı, "meniń jalǵyz qap, jalyǵatyn synyq sátim joq, jarqynym" degen eken...
Ańyzdan aýdarǵan
