Nelikten «Masha men medved» zııandy dep tanyldy?

«Masha ı medved» – kishkentaı búldirshinderdiń súıip kóretin mýlfılmderiniń biri. Tipti keıbir ata-analar balasyn jubatý úshin osy mýltfılmdi teledıdardan nemese telefonnan qosyp bere qoıady. Al psıhologtar bir qaraǵanda súıkimdi kórinetin Masha men aıýdyń bala psıhologııasyna edáýir zııan keltiretinin aıtýda. Zııany sol – Mashanyń «buzyqtyǵy». Mýlfılmde Masha aıýǵa «aıtqanyn istetetin» birbetkeı, tym erke, sholjań qyz, aıýdy muqatýmen bolady. Al ony kórgen bala psıhologııasy munyń barlyǵyn «jutyp alady», (ásirese qyz balalar) dál osyndaı bolý kerek dep, Mashadan «úlgi» alady.

Eń qaýiptisi – bul mýlfılmdi 2-5 jas aralyǵynda balaqaılar óte jaqsy kóredi. Kórermender arasynda tipti 1 jastaǵylary da bar. Al bala psıhologııasynyń damýynyń sharyqtaý kezeńi dál osy jastar. Iaǵnı, 1-5 jas aralyǵynda bala ne kórse sony qaıtalaıdy, ne aıtsańyz sony aıtady. Kórgen, estigenin boıyna «sińirip» alady, sengish keledi.

Keıbireýler muny oqyp «anaý zııan, mynaý zııan, endi «Masha men medved» te zııan ba? Endi balalarymyzǵa ne kórsetemiz? deýi múmkin. «Tynyshtalsa boldy» dep balanyń qolyna telefondy ustata salǵannan góri erinbeı, ýaqyt bólip balaǵa qazaqsha ertegilerdi oqyp bergen, ondaǵy keıipkerlerdi ózińiz (daýysyn, Emotsııasyn) salyp, beıneli túrde aıtyp berseńiz qandaı jaqsy!