OI ÓZGERMEI ÓMIR ÓZGERMEIDI

Baǵy janbasa adam ne isteý kerek? Adamzat úshin baq degenimiz ne? Bálkim, ol - jaıly orta, myqty densaýlyq, rýhanı baılyq, mol dáýlet, shúkirshilik shyǵar? Álde, anyq oı, sóz sarasy ma, naqty sheshim be, týra jol ma, ońdy is pe? Árbir adamnyń sana deńgeıi árqalaı bolǵandyqtan, san qıly jaýap týatyny qısyndy. Degenmen, solardyń ishinen Shákárim qajynyń:

“Shyn baq - ata-ananyń mahabbaty men balalardyń taza júreginde” degen paıymy kez kelgen pendeniń kóńil tórinen oryn alatyny sózsiz. Al, kezinde Sh.Qudaıberdiuly birneshe márte hat jazǵan orystyń danyshpan jazýshysy Lev Tolstoı:

“Adam baqytty bolýǵa tıisti, al baǵy janbasa, oǵan sol adamnyń ózi ǵana kináli” dep tereńinen tolǵaıdy. Olaı bolsa, jeke adamnyń joly bolmaǵany úshin, jetistikke qoly jetpegeni úshin ózgeni kinálaýdyń, sóge jamandaýdyń, qapa bolyp, kópke tas laqtyrýdyń qajeti joq. Kerisinshe, aqylmen, tárbıemen, bilimmen, mańdaı ter tógýmen, ıaǵnı adal eńbekpen keletin adal tabystyń kilti árkez óz qolyńda ekendigin umytpaǵan jón. Qazir qoǵamdaǵy kemshilikter talqyǵa túskende, ózderi sútten aq, sýdan taza bolyp kóringisi keletinder qatary kóbeıdi. Tipti óz basy jibergen qatelikterge basqa bireýdi, bılikti, táýeldi kezeńnen bergi otyz jyldy synaý-mineý tolastamaı tur. Sodan baqyt qushaǵyna enip, baǵy janǵandy ázirge kórgen de joqpyz.

Shyndyǵynda, baqytty bolý - árkimniń óz qolynda jáne barshanyń órkenıetti el zańdylyǵyna, adamzatqa ortaq paıymǵa moıynsunýynda dep bilemiz. Jaqsy oı - saýlyqtyń, qanaǵattyń, baqýatty turmystyń negizi.

Darhan MYŃBAI