QARAJAT KERI QAITARYLMAIDY

22 qyrkúıek 2021 5208 0
Оqý rejımi

Birde bir kisi meshitke kelip uıyqtap qalady. Qaltasynda aqsha salǵan ámııany bolatyn. Uıqysynan oıanǵan kezde ámııanynyń urlanǵanyn baıqaıdy.Qasynda namaz oqyp turǵan Jaǵfar Sadyqty kórip, kúmándana bastaıdy. Namaz bitkennen keıin ol kisiniń jaǵasynan alyp, joǵalǵan dúnıesin onan kóre bastaıdy.

 – Menen ne qalaısyń? – deıdi mán-jaıdy túsinbegen Jaǵfar Sadyq.
 – Aqsha salǵan ámııanym joǵaldy. Qasymda senen basqa eshkim joq. Demek, ony alǵan sen ekeniń anyq, – deıdi ol.
 – Ámııanyńda qansha aqsha bar edi?
 – Myń dınar bolatyn.

Urlyqtan esh habary joq taqýa kisi Jaǵfar Sadyq dereý úıine baryp, qolyna myń dınaryn ustap, baǵanaǵy kisige qaıta keledi. Sosyn qolyna myń dınar ustatyp, ún-túnsiz kete barady.

Sálden soń ámııany urlanǵan kisi myń dınarynyń qaıtqanyna qýanyp, meshitten shyǵa jolaı dostaryna kezigedi. Dostary bolsa: «Seniń aqsha salǵan ámııanyń bizde. Biz senimen ázildesken bolatynbyz», –  deıdi súıinshileı.

Bul sózdi estı sala álgi kisi túri buzylyp, qolyna myń dınaryn ustap, qaıtadan meshitke enteleı jetedi. Ózine myń dınardy suraýsyz ustata salǵan adamnyń kim ekenin surastyrady. Kýágerler mol aqshany bergen kisiniń Muhammed paıǵambarymyzdyń (s.ǵ.s.) teginen bolǵan Jaǵfar Sadyq ekenin aıtady. 

Dereý Jaǵfar Sadyqtyń úıine baryp, onan keshirim suraıdy. Sosyn alǵan aqshasyn qaıtaryp bergisi keletinin aıtady. Sonda Jaǵfar Sadyq: «Bizdiń múlkimizden bir nárse shyǵatyn bolsa, ol keri qaıtarylmaıdy», – dep bergen qarajatyn syıǵa tartqan eken.

Pіkіrler Kіrý