QAZYBEKTIŃ ÚSh SURAQQA JAÝABY

El shetinen bir qart aqsaqal kelip, Qazybekten úsh suraq surapty.

Birinshi suraǵy:

"Jaqynda ne jaqyn?"

Qazybektiń jaýaby:

- Tatý bolsa, aǵaıyn jaqyn. Aqylshy bolsa, aǵań jaqyn. Baýyrmal bolsa, iniń jaqyn. Inabatty bolsa, keliniń jaqyn. Adal asyn aldyńa tartqan qımas jaqyn. Qaryndasyń, sybaılas bolsa, naǵashyń jaqyn, óz urpaǵyń, shóbereń jaqyn. Jas kezińnen jan serigiń - bárinen de áıeliń jaqyn! - depti.

  Ekinshi suraǵy:

"Qymbatta ne qymbat?"

Ekinshi suraǵynyń jaýaby:

- Altyn uıań otaýyń qymbat. Meıirimdi apań qymbat.

Qut bereke atań qymbat. Aımalaǵan anań qymbat.

Asqar taýdaı ákeń qymbat. Týyp ósken eliń qymbat,

kindik kesken jeriń qymbat. Uıat penen ar qymbat.

Bárinen de osynyń - óziń súıgen jar qymbat!

Úshinshi suraǵy:

"Dúnıede ne qıyn?"

Qazybektiń jaýaby:

- Aradan shyqqan jaý qıyn,

Taýsylmaǵan daý qıyn,

Shanyshqylaǵan sóz qıyn!

Dál osyndaı jaǵdaıda

Pana bolmas óz oıyń

Jazylmasa, dert qıyn

Iske aspaǵan sert qıyn.

Aqylyńnan adasyp,

Óziń túsken órt qıyn!

Tentek bolsa, ul qıyn,

Ne isterińdi bilmeı,

Ashıdy-aý sonda bas mıyń!

 

Máshhúr Júsip Kópeıuly

"Kóp tomdyq jınaǵynan"