QIYNDYQQA QARSY RÝHANI ShARALAR QOLDANÝ
Osman memleketinde tabıǵı apat pen soǵys sııaqty qıyn-qystaý kezeńderde barlyq sharalar qoldanylyp, buǵan qosa rýhanı amaldar da jasalatyn. Oǵan mysal retinde, myna bir oqıǵany aıtsa bolady. Birde osmanly áskeri maıdanda jaýmen soǵysyp jatqanda sultan III Selımge mynadaı ótinish kelip túsedi.
«Sultanym! Dushpannyń zulymdyǵyna toıtarys berý, eldigimizdi qorǵaý jáne isterdiń sátti oryndalýy úshin Alla taǵalanyń járdemi tek syrtqy sebepterge talpyný arqyly ǵana emes, rýhanı sharalarǵa júginýmen de bolmaq. Quran oqýdyń, qurbandyq shalýdyń, sadaqa berýdiń paıdasy óte kóp. Qanshama qıyn máseleniń túıinin osylar arqyly ońaı sheshýge bolady.
Búgin bir dýaly aýyz aqsaqal kelip:
«Mundaı ýaqytta Buharıdy oqý óte paıdaly. Oqı alatyn taqýa jannyń birnesheýiniń bas qosyp, áskerdiń jaýdyń jeńý úshin shynaıy nıetpen duǵa jasaý paryz boldy. Eleýsiz qaldyrmańdar. Odan bólek on qurban shalynsyn. Rýhanı álemde maǵan osylardy habarlaý buıyryldy» - dep aıtyp ketti.
Sondaı-aq Enderýnda bolǵanymyzda saraı ustazdary men birneshe sarbaz jınalyp, Mádına múnaýýaradan kelgen Molla Ápendimen birge Buharı sháripti on kún ishinde oqyp, bitirgen edik. Sol kezde kóp ıgilikke qol jetkizdik».
Sultan III Selım Han bul ótinishke oraı:
«Pasha, Alla qabyl etsin, óte oryndy. Enderýn ustazdaryn habardar etińizder, yńǵaıly bir kúndi tańdap, kelip, oqyp ketsin» - dep jaýap beredi.
