QUDAIDY SÚIý

Adam balasynyń bul dúnıedegi basty mindeti – Allany taný jáne soǵan ıman keltirý bolyp tabylady. Óıtkeni adam bul ómirge Alla Taǵalaǵa qulshylyq qylý úshin keledi. Jaratýshyǵa qulshylyq qylý úshin eń aldymen Ony taný kerek. Sol kezde ǵana adam balasy shynaıy qulshylyq qylady. Allany taný úshin adam balasyna ilim kerek. Paıǵambarymyz Muhammed (oǵan Allanyń salaýaty men sálemi bolsyn) bir hadısinde: «Ilimniń basy – Allany taný, al ilimniń sońy – barlyq isti oǵan tapsyrý», – degen eken. Asyl dinimiz ıslam Allany taný úshin aqylmen oı júgirtýge shaqyrady. Allany tabýǵa, tanýǵa, Oǵan qulshylyq etýge jeteleıdi. Allany tanyp, Oǵan ıman keltirgen pendeniń Alla Taǵalaǵa degen mahabbaty ashylmaýy múmkin emes. Bul jaıynda qasıetti Quran Kárimniń «Baqara» súresi, 165-aıatynda: «Al, ıman keltirgender Allany bárinen artyq jaqsy kóredi», – delingen.

Allany jaqsy kórýge jeteleıtin amaldar óte kóp. Solardyń basym kópshiligine bekem bolsaq, onda Allany jaqsy kórýge bir taban jaqyndaıtynymyz ańyq. Olar: Quran oqý, Paryz amaldardan keıin nápil amaldardy oryndaý, Allany tilmen júrekpen únemi zikir etý,kórkem sıpattardy qaıtalap júrý, t.b degendeı...

Adam balasynyń júreginde Allaǵa degen mahabbat ornyqsa, basqa dúnıege qyzyǵýshylyǵy bolmaıdy. Allany jaqsy kórý – Allany tanýǵa jeteleıtin jol. Zunnun Mysrıǵa Allany jaqsy kórýge qatysty suraq qoıylǵan kezde: «Allany jaqsy kórý degen – Alla jaqsy kórgen nárseni jaqsy kórýiń, Alla unatpaǵan nárseni jek kórýiń. Jaqsylyq jasaýyń,Allany eske alýǵa kedergi jasaıtyn nárseden bas tartýyń. Dinı máselelerde tek paıǵambarǵa ilesýiń. Bizdiń Allaǵa degen mahambatymyz bárinen de joǵary turý kerek. Sonda ǵana biz eki dúnıede jetistikke jetemiz. Bul dúnıede hám aqyrette juzimiz jaryq bolady.

Abıldınov Rahımjan
«AQ MESHIT» meshitiniń ustazy