Qurban shalýdyń mańyzy men paıdasy

24 shіlde 2020 1805 0
Оqý rejımi

Qurban aıt kúnderi musylmannyń atqaratyn eń jaqsy isi – qurbandyq shalý. Osy arqyly pende Alla Taǵalaǵa jaqyn bolady, kúnálary keshiriledi. Jaratýshy Iemizdiń kóptegen nyǵmetterine shúkirshilik bildiredi, baı men kedeıge keńshilik jasalady.

Ony keńinen taratyp aıtqanda:

  1. Qııamet kúni shalǵan qurbandyǵy pendeniń paıdasyna kýálik etedi. Baýyzdalatyn maldyń tamaǵyna pyshaq tartqanda shyqqan qan jerge túspeı turyp, onyń saýaby Alla Taǵalanyń quzyryna jetip barady.

Paı­ǵam­barymyz (oǵan Allanyń salaýaty men sálemi bolsyn): «Adam balasy qurban aıt kúni (qurban shalyp) qan aǵyzýdan da sú­ıik­ti basqa ispen Alla Taǵalaǵa jaqyndaǵan emes. Qany aǵyzylǵan mal qııamet kúni mú­ıiz­deri, tuıaqtary jáne júnderimen keledi. Aǵyzylǵan qan jerge tambaı jatyp, Alla Ta­ǵalanyń quzyrynda úlken maqamǵa je­te­di. Sondyqtan qurbandaryńdy kóńil rıza­shylyǵymen shalyńdar»[1] – degen. Taǵy bir hadıste qurbandyqqa shalynǵan maldyń árbir tal qylshyǵyna saýap jazylatyny aıtylǵan[2]

  1. Allanyń bergen nyǵmetine shúkir etýdi (rahmet aıtýdy) bildiredi. Allanyń bergen nyǵmeti óte kóp, ony sanap sanyna jete almaımyz.

Alla Taǵala Quranda: «Eger Allanyń nyǵmetin sanasańdar, sanyna jete almaısyńdar»[3] - degen.

Imanǵa kelý, qulshylyq etý, estý, kórý, mal-dúnıe, bala-shaǵa – bunyń barlyǵy Allanyń bergen nyǵmeti. Bul nyǵmetter jalǵasymdy bolý úshin shúkir etý qajet. Allanyń bergen nyǵmetine shúkir etýdiń bir joly – mal-dúnıesin Alla razy bolatyn iske jumsaý. Qurban shalý – Allaǵa shúkir etýdiń bir kórinisi. Aıt kúni barlyq adam Alla Taǵalanyń qonaǵy bolady, qurban etinen jeıdi, ony tartý etedi, odan sadaqa beredi.

  1. Qurban shalý arqyly pende Ibrahım (a.s.) paıǵambardyń súnnetin jandandyrady. Qurban aıt kúni Ibrahım (a.s.) paıǵambar óziniń balasy Ismaıldy qurbandyqqa pıda etkenin eske alady, olardyń bir minezdiligin, qaıyspaıtyndyǵyn jáne Qudaıǵa degen súıispenshiligin úlgi tutady. Osylaısha pende Allanyń ámirine boısunýdy, ár iste sabyrlylyq saqtaýdy úırenedi.
  2. Qurbandyq etinen otbasyna, jaqyn týystaryna, kórshilerine, dostaryna jáne muqtaj jandarǵa úlestirý arqyly musylmandar arasynda mahabbat pen súıispenshilik artady. Sonymen qatar, óziniń boıyndaǵy qatygezdik, sarańdyq, mańǵazdylyq sıpattardan arylyp, ony meıirimdilik, jomarttyq, ki­shipeıildik qasıetterge aýystyrady. 

 QMDB Sharıǵat jáne pátýa bólimi

 

[1] Tırmızı rıýaıat etken.
[2] Ibn Majá rıýaıat etken.
[3] «Ibrahım» súresi, 34-aıat.

Pіkіrler Kіrý