Qyzýdy túsirýdiń Paıǵambarymyz (s.ǵ.s.) aıtqan bir tásili

Keıde aýyrsaq qyzýymyzdyń kóteriletini bar. Sondaı kezde dárigerler qyzýdy túsirý úshin deneni sýmen ysqylaý kerektigin aıtady nemese jyly sýǵa túsýge keńes beredi. Ony fızıologııalyq salqyndatý deıdi.

Bul kúnde keńinen tanymal bolǵan bul tásildi kezinde ardaqty Paıǵambarymyzdyń (s.ǵ.s.) aıtyp ketken.

Sahabalardyń biri Ásma (r.a.): «Birde Alla Elshisine (s.ǵ.s.) qyzýy kóterilip aýyryp turǵan áıel keldi. Sonda ol sý aldyryp, naýqastyń kókiregine quıdy da: «Ony sýmen salqyndatyńdar. Aqıqatynda, qyzý – jáhannamnyń aptabynan», - dedi»,[1] – degen.

[1] Sahıh Mýslım.