QYZYQ MEKTEP

Elimizdiń bolashaǵy,kósegesiniń kógerip gúldenýi búgingi jas býynnyń qolynda tur deımiz. Al bala boıyna  ımandy,zerektikti, qazaqy qundylyqty  sińirip,qabiletterin búldirshin kezinen ashyp tárbıeleý aǵa tolqynnyń paryzy emes pe?!. Kóbine ata-ananyń balasymen aınalysyp,keshendi jetilýine kómektesýge ýaqyty jetpeı jatady. Oıyn balasy dep mán bermeı, smartfon berip tynyshtaldyratynymyz da bar. Osydan-aq kishkentaı búldirshinderdi tárbıelep jatqan tikeleı   smartfon, gadjetter ekeni kórinedi. Saldarynan balanyń tili shyqpaý, kesh sóıleý, oıyn jetkize almaý syndy  tehnokrattyq zamanda  jańa bir aýrýdyń túrleri paıda bolyp jatyr. Ýaqyttyń jetispeýshiliginen ata-analar balalarǵa arnalǵan damytatyn oryndar izdeıdi.

Qoǵamnyń mundaı  qajettiligin óteıtin «Úı mektep» dep atalatyn mekemeler bar. Shetelde úı mekteteri keń taralǵan.Qazaqstanda dástúrimizge sáıkestendirip,súzgiden ótken sondaı jobanyń biri «Qyzyq mektep» dep atalatyn 1-4 synyp oqýshylaryna arnalǵan  úı mektebin aıtsaq bolady.Ata-analar bul mektepti «Aýyl kEmp» dep te ataıdy eken. «Qyzyq mektep» oqý ortalyǵy balany tek qazaq tilinde oqytady. Belgili ǵalym Tursyn Jurtbaı:  «Nemeremniń ne qazaqsha,ne oryssha oıyn erkin jetkize almaı,ekeýiniń ortasynda  daǵdaryp turǵan kezinde osynda ákeldim.  Sodan beri qazaqsha oılap,qazaqsha sóılep,qazaqsha oınaýǵa beıimdeldi.Bul men úshin úlken qýanysh boldy» dep mektepke baǵa beredi. Bul oqý ortalyǵy elordada 2021 jyly 7 tamyzda ashylǵan. Jobanyń avtory  ádebıettanýshy Ulan Erkinbaı  sabaqtardyń, is sharalardyń,jalpy ortanyń ereksheligine baılanysty mekteptiń ataýyn «Qyzyq mektep» dep balalardyń ózderi qoıǵanyn aıtady. Mektepke bizde baryp, qonaq bolǵan edik.Balaǵa sapaly tárbıe men bilim berýde qosyp jatqan úlesi zor ekenine kýá bolyp qýandyq. Mekteptiń maqsaty balalardyń qolaıly, jaqsy ortada tıimdi ýaqyt ótkizýine jaǵdaı jasaý.Ári olardyń  rýhanı, ıntellektýaldyq, fızıkalyq damýyna kómektesý. Asyq,hantalapaı, shahmat syndy ulttyq, zııatkerlik oıyndar,úı tapsyrmalarymen jumys, kitap oqý t.b bala qabiletin ashý úshin qoldanylyp jatqan túrli oqytý ádisteri bar. Jazǵy-qysqy lagerler, mádenı oryndarǵa saıahattaý baǵdarlamalary da júzege asqan eken. Erekshe kózge túskeni ýyzaq,toımaq,dámtatpaq dep atalatyn qazaqy ataýmen qoıylǵan tamaqtaný kestesi boldy. Mektep aýylda júrgendeı áser berip turady. Ata-analar ónegeli tárbıe, qazaqy qundylyǵymyzben qosa, eń basty balaǵa keregi jylý men meıirimdi  syılaı alady dep mektep ujymyna rıza bolýda.Balalarynyń úı tapsyrmasyn oryndaýda erik jigeriniń kóterińki bolatynyn,jazý,sóıleý daǵdylarynyń jaqsarǵanyn da aıtady..

 Ǵylymda adamnyń jarqyn tulǵa bolýyna   balalyq shaq kóp áser etetini anyqtalǵan..Halqymyzda da,dinimizde de  tárbıeniń tal besikten bastalatyny aıtylady.Sondyqtanda bala tárbıesinen qapy qalmaǵan abzal.

Tumar QAIRATQYZY,

L.N.Gýmılev atyndaǵy EUÝ stýdenti