RAMAZAN JAILY QYZYQTY DEREKTER
2013 jyly Shardja qalasynda Birikken Arab Ámirligi Gınnes kitabyna engen dastarhan jasady. Dastarhannyń uzyndyǵy 600 metr bolǵan. Al dastarhannyń baǵasy shamamen 400-500 myń dırhamdi quraǵan, - dep jazady baq.kz.
Medına qalasyndaǵy Paıǵamabarymyzdyń (Allanyń Oǵan ıgiligi men sálemi bolsyn) meshitinde de eń úlken aýyzasharlardy jasaıdy eken. Meshitte 12000 metrden astam dastarhan jaıylady. Táýligine 300 000 musylmandy tamaqtandyrady. Bir kúndik aýyz asharǵa ketetin aqsha 1 mln Saýd rıalyna teń keledi (shamamen $290,000). Bir ıftarda 130 000 lıtr zam zam, 50 000 lıtr arab kofesi, 300 000 bálish, 50 000 lıtr ıogýrt jáne sút , 50 000 lıtr jemis shyryny, 40 tonna qurma beriledi.
Aýyzashar ýaqyty 15 mınýttan aspaıdy jáne osy tamaqtardyń barlyǵyn qaıyrymdylyq qorlary qamtamasyz etedi. 15 mınýttan keıin dastarhan jınalyp, meshit tap-taza kúıine qaıtadan enedi.
Al Kashmırde bolsa búkil Azııa boıynsha eń úlken aýyzashar bolǵan. Srınagara qalasynda bolǵan bul aýyzashar Egıpettegi aýyzashardan asyp túsý úshin jasalǵan desedi. Aıta keteıik Egıpette Aleksandrııa qalasynda rekord Gınnes kitabyna engen 4,3 kılometrlik dastarhanǵa 7000 adamdy syıǵyzǵan
ÁLEMDEGI EŃ ÚLKEN FANÝS (ShAM)
Lıvannyń Nabatııa qalasynda álemdegi eń úlken fanýs jasap shyǵarǵan. Bul shamnyń uzyndyǵy 18 metr, eni 5 metr, al salmańy 4 tonna bolǵan. Sham 2012 jyly Gınnes kitabyna engen. Fanýsty 180 kún boıy jasaǵan. Odan keıin ony alty mashınamen Nabatııanyń ortalyq stadıonyna ákelgen. Sham Ramazan boıy sol jerde janyp turǵan.
AÝYZAShAR ÝAQYTYN HABARLAITYN EŃ KÓNE PÝShKA
Aýyzashardyń ýaqytyn habarlaıtyn pýshka Fatıma dep atalady jáne ol Egıpettegi eń kóne pýshka. 140 jyl buryn áskerıler bir pýshkany tazalap jatqanda, odan bir snarıad atylyp ketedi. Jáne sol snarıadtyń atylýy aýyzashardyń ýaqytyna sáıkes kelip, adamdar ony aýyzashar ýaqytynyń belgisi dep oılap qalǵan. Odan keıin bul pýshkany osy maqsatta qoldanatyn bolǵan.
EŃ ALǴAShQY SÁREGE OIaTÝ
Eń alǵashqy sárege oıatýshy Anbas ıbn Ishaq. Ol hıjranyń 228 jyly Fýstat qalasynan Amr ıbn al Astyń meshitine baǵyttalyp bara jatyp, jolaı adamdardy sárege oıatyp ketken. Bul dástúrge 1208 jyl bolǵan. Keıinirek egıpettikter barabanmen oıatatyn bolǵan.
EŃ KÓNE ORAZA KALENDARI
Eń alǵash sáre ýaqyttary jazylǵan kúntizbeni Muhammad Alı pasha shyǵarǵan deıdi. Ol bul kúntizbeni hıjrı 1262 jyly taratqan.
Kópshiliktiń aıtýy boıynsha, osylaısha Muhammed Alı pasha halyqtyń iltıpatyna bólengisi kelgen. Ol shynymende halqytyń razylyǵyna bólendi dep aıta alamyz. Sebebi bul kúntizbe qazirge deıin qoldanysqa ıe.
Bolat Maıra Jumaǵalıqyzy
