Ramazanmen qoshtasý

06 maýsym 2019 2712 0
Оqý rejımi

Musylmannyń sabyryn synap talaı,
Beý, Ramazan, óttiń be turaqtamaı?! 
Sahabalar qaýymyn biz túgili,
Saǵynyshtan sarǵaıtyp jylatqan aı.

Muhammedke ﷺ kelgen aı paıǵambarlyq,
Jaqsylyǵyn jahanǵa jaıǵan barlyq.
Qadir túni túsirgen kókten Alla,
Quranyńa haq joly baılanǵan nyq.

Qasıetin sezdirgen qara sýdyń,
Taqýalyq joly ǵoı tamasha úlgiń.
Jyn-shaıtandar jatqanda shiderlenip, 
Dushpandyǵyn úırettiń sál ashýdyń.

Túsinetin aqyrǵy kún týaryn,
Dos bolmasy múmınge múlki málim.
Adamzatqa bildirdiń ashtyǵyńda,
Aqyret pen ilimniń kilti baryn. 

Otyz kúniń taýsyldy ol aqyryn,
Tirshiliktiń tanytyp solatynyn.
Seniń ǵana kezińde uǵyndy jurt,
Ashqursaqtyń keńpeıil bolatynyn.

Qulshylyqtyń jetkizip jáne syryn,
Ashtyń elge baqyttyń bar esigin.
Janarymnan mólt etti ystyq jasym,
Sáti kelip sońǵy kún sáresiniń.

Qosh bol endi, bıylǵy Ramazanym,
Islamǵa buıyrǵan dana zańym.
Qııamette bolǵaısyń shapaǵatshym,
Tán azabyn tartqyzbaı jan azabyn!

Qýansam dep júrekte jatyr úmit,
Raıan atty qaqpadan shaqyrylyp.
Jasyl baǵyn Jánnattyń násip et dep,
Madaqtadym Rabbymnyń atyn ulyq.

Qımaı-qımaı qoshtastym tańda maqpal,
Jıǵan ıman mol senen alǵan aqpar.
Keler jyl da oraza tutaıyn dep,
Nıet qyldym qabyl et, Allahý akbar!

Serikzat Dúısenǵazy

Pіkіrler Kіrý