RÝMI

Jalolıddın Rýmı – HIII ǵasyrdaǵy aqyn, ıslamdyq dervısh jáne sopylyq mıstık. Rýmı óziniń oqıǵalarǵa toly ómirinde ártúrli memleketterdiń aýmaqtaryn aralady jáne kóptegen halyqtar ony óz zamanynyń ǵana emes, búkil adamzat tarıhynyń uly rýhanı ustazdary men aqyndarynyń biri retinde qurmetteıdi. Onyń rızashylyǵyn bildirgen izbasarlary  aqynǵa "Máýlana" (Myrzamyz) degen qurmetti laqap at qoıǵan.

***

Barlyq kirdi kóńildegi joǵaltasyń ushyryp,

Ómirdegi maqsatyńdy bilgen shaqta túsinip.

***

Aýyrýǵa ushyrytar, bul mahabbat emdeıdi,

Qandaı qıyn saýaldarǵa bas qatyrǵyn sen meıli...

Júregińnen taba alasyń onyń daǵy jaýabyn,

Keme jasa... Muhıt ózi barar joldy teńdeıdi!

***

Bul mahabbat qıyn soǵar fánı menen baqıda,

Birde jeńip, birde kúırep qalatynyń aqıda.

Biraq álem jaryq penen kóleńkeden turady,

Óıtkeni ol jetpis eki Elementtiń turaǵy.

***

Jaryq penen mahabbattyń ózgeshe ǵoı dinderi,

Meshit penen kitaptarǵa uqsamaıdy tinderi...

***

Qulshylyq – noqta, ámirshiń – ýaqyt aǵatyn,

Aqylyń – ustaz... Sabaqta jónge salatyn...

***

Saralaı bermes bolmysty aqyl asylyń,

Mahabbat degen ǵalamdyq teńiz jasyryn.

Ámirshige bastar soqpaq – qulshylyq,

Ǵashyq joly – tuńǵıyqtaǵy tirshilik.

***

Jylqy maly aqyldy hám tózimdi,

Qyńyrlansa maıyp eter ózińdi.

***

Egerde sen ushpasań,

Qalaısha synar qanatyń.

Ózgeni zorlap, qystasań,

Seniń de soǵar saǵatyń...

Aýdarǵan Kenjeǵalı QOShYM-NOǴAI