SALAÝAT AITÝDYŃ PAIDASY
Paıǵambarymyzǵa (s.a.ý.) kún saıyn kóp salaýat aıtý onyń shapaǵatyna jáne Oǵan jumaqta kórshi bolý nyǵmetine jetkizedi. Hadıs sháripte:
«Qııamet kúni maǵan eń jaqyn adam – maǵan eń kóp salaýat aıtqandar» jáne «Qııamet kúni meniń haýyzymnyń basyna bir top adam keledi. Men olardy maǵan kóp saýap atqandary boıynsha tanımyn»- dep aıtylǵan.
Bir kúni Paıǵambarymyz (s.a.ý.) múbárak júzine qýanysh úıirilip, sahabalarynyń aldyna shyǵyp bylaı deıdi:
«Maǵan Jábireıil (a.s.) kelip, (Rabbymnyń atynan) bylaı dedi: «Ýa, Muhammed! Úmmetińnen kim saǵan salaýat aıtsa, men oǵan on ese raqym etemin. Kim saǵan bir ret sálem berse, men oǵan on ret sálem beremin».
Salaýat aıtý jaıly basqa da hadıster:
«Kimde-kim maǵan salaýat aıtsa, salaýat aıtqan saıyn perishteler ol úshin ıstıǵfar aıtyp turady. Endeshe, qalaǵan az aıtsyn, qalaǵan adam kóbirek aıtsyn».
«Bir adamnyń atym atalǵanda maǵan salaýat aıtpaýy, onyń sarań bolýyna jetkilikti».
«Úmmetimnen kim maǵan bir salaýat aıtsa, oǵan on saýap jazylady jáne on kúnási keshiriledi».
«Kimde-kim maǵan salaýat aıtsa, onyń Syrat kópirinde nury bolady. Syrattaǵy nur ıeleri «Nar» (tozaq) ıelerinen bolmaıdy».
«Kimde-kim maǵan salaýat aıtýdy tastasa, onyń jánnatqa barar joldan adasqany».
«Maǵan Jábireıil (a.s.) kelip: «Ýa, Muhammed! Jetpis myń perishte úmmetińnen saǵan salaýat aıtqan árbir adam úshin mindetti túrde keshirim suraıdy. Perishteler keshirim suraǵan adam jánnattyq bolady».
«Ásirese, juma kúnderi maǵan salaýattaryńdy arttyryńdar. Kimde-kim maǵan juma kúni júz salaýat aıtsa, ol qııamet kúni bir nurmen keledi. Eger ol nur barlyq jaratylysqa úlestirilse, barlyǵyna jeter edi. Muhammedke (s.a.ý.) salaýat aıta bastaǵan adamǵa aspan esikteri men perdeleri Arshqa deıin ashyla bastaıdy. Aspandaǵy barlyq perishteler salaýat aıtqan adamǵa arnap, Allanyń qalaǵanynsha ıstıǵfar aıtady».
