SÁRESIDEGI ShÁI

Altyn ájem  basymdy sıpap, mańdaıymnan súıip sáresine oıatty. Ájeniń janynda erkelep otyryp sháı ishetinim esime tústiti me, álde hıkaıa estıtinime qýandym ba tósegimnen ushyp turdym. Shirkin-aı,ájemniń sháıi sháı emes bal dersiń! Kúndegideı taǵy da apanyń tizesine otyryp aldym. Bala degenniń suramaıtyny joq deıdi. Ájemnen anaý ne,mynaý ne dep kóp suraımyn. Ájem sáresi iship otyr. Men ústeldegi qurtty bir tistep alyp, ájeme qarap «Ájetaı, sen nege kún sekildi jyp-jyly,shýaqtysyń» dep kúlemin.

«Aq laǵym» dep ájem áńgime bastady.Osylaı sóz alsa qyzyq bir hıkaıa aıtatynyn uǵyp mázbin. Qurtymnyń ekinshi jaǵyn tistep,ájemniń aýzyna qaradym. Sonaý  zamanda bir patsha ómir súripti dep áńgimesin jalǵap jatyr. Onyń aıdan sulý alty qyzy bolypty. El patshany qý bas, artynda qamshy ustar uly joq dep pysh-pysh sóz qylady eken.Bir kúni shýyldasqan jurttyń ósegi  patshanyń da qulaǵyna tıedi. «Tastan da qatty bolǵan sózderiń qarashy» dep aıbarly taqsyr bolsa da patsha kózine jas alypty. Eńsesi túsip qulazıdy.

Erteńine patsha kún uıasynan shyǵatyn ýaqytty tosyp: “Ýa Qudaı, urpaǵymdy meıirimdi qyla gór” dep jylaıdy. Biraq Jaratýshydan ul ber dep egilmepti. Patshanyń bul tilegi apta,aı ótip jyl jalǵasady.Bir kúni patsha tús kóredi. Túsinde alty qyzy shýaq shashqan táj kıip otyr. Patshanyń túsi óńine aınalypty. Patshanyń qyzdarynyń altaýy da kúnnen shýaqty, aıdan sulý júzdi,mińezderi  jibekteı,aqyldary ózgeden artyqsha kelip, sulýdyń ózi bolady. Olardan taraǵan urpaq kóp bolady. Osylaı patshanyń basyna baq qonady. Sonda el-jurt patshanyń quty alty qyzy ekenin túsinip,aıtqan sózderine ókinipti.

«Meniń apam da  astan keıin  “Jan Allam, balalarymdy  ata-anasyna meıirimdi qyla gór” dep qoljaıyp otyratyn jaryqtyq. Meıirim maǵan osylaı darydy»Suraýynnyń jaýabyn túsindin be dep  betimnen súıdi.

Tumar QAIRATQYZY,

L.N.Gýmılev atyndaǵy EUÝ stýdenti