ShAITANNYŃ KÓMEKShISI BOLÝDAN SAQ BOLYŃYZ

Ismaıl Hakky Býrsaýı (rah.) bylaı deıdi:

Áýlıelerdiń biri Baǵdattan qaıtyp kele jatyp, jolda shaıtanǵa tap bolady. «Baǵdattaǵy ornyńdy kimge qaldyrdyń?» - deıdi shaıtanǵa. Shaıtan: «Bıshr ál-Merısıge tastap kettim» – deıdi. Sóıtse sol kezde Baǵdatta Imam Ábý Iýsýftyń (rah.) Bıshr degen shákirti bolǵan eken. Ol Áhlı súnnet jolynan taıyp, Baǵdat halqyn da haq joldan adastyryp júredi. Quran kárim týraly aqylǵa syımaıtyn nárseler aıtatyn.

Mine, Bıshr Baǵdat ta shaıtannyń kómekshisi bolyp, halyqty adastyryp, shaıtanǵa erý arqyly onyń beınesine kirdi. Mundaı adamdar qansha bilimdi bolsa da nadan bolyp qala beredi.

Imam Ábý Iýsýf sııaqty bir mujtahıdtiń shákirti bola tura, qalaısha adasyp, «tiriden» «óli» shyqan?! «Ózi shaldyqqan dertten beıhabar adam halyqty dertten qalaı aıyqtyra almaq? Ǵylymnan beıhabar ózgege ustaz, ózi soqyr bireýge jol kórsetýshi, aýyryp júrip basqa bireýge dáriger, bıdǵatshy adam basqalarǵa qalaı jol kórsetýshi bolady?)» degen sóz bar. Sondyqtan ǵylymmen aınalysatyn adam dinı ǵylymdardy rýhanı jaǵymen qosa meńgerý kerek. Áıtpese ol paıǵambarlardyń emes, shaıtannyń murageri bop qala beredi.