SÝDY ÚNEMDI PAIDALANAIYQ!

Avstralııadaǵy sý ydysynyń qaptamasynda:

 «Siz aǵyp jatqan ózenniń jaǵasynda bolsańyz da, sýdy ysyrap etpeńiz!» dep jazylǵan jáne astyna «Muhammed (oǵan Allanyń ıgiligi men sálemi bolsyn)» dep jazylǵan.

Tómende hadıstiń túpnusqasy:

 Alla Elshisi (oǵan Allanyń ıgiligi men sálemi bolsyn), Saǵd ıbn Ábý Ýaqqastyń (oǵan Alla razy bolsyn), dáret alyp jatqanda sýdy normadan artyq paıdalanǵanyn kóredi.

 - Áı, Saad! Bul qandaı ysrapshyldyq?

 Saad:

 – Ýa, Allanyń elshisi, dárette ysyrap bar ma? – dep surady Saad (Alla oǵan razy bolsyn):

– Iá, aǵyp jatqan ózenniń jaǵasynda bolsań da, – dedi Alla Elshisi (oǵan Allanyń ıgiligi men sálemi bolsyn).

Paıǵambarymyz (oǵan Allanyń ıgiligi men sálemi bolsyn) dáret alý úshin - shamamen 700 gramm, al ǵusyl úshin - shamamen 2 lıtr sý paıdalanǵan.  

 Dáret alý úshin shúmekti ashý arqyly mınýtyna 15 lıtrdeı sý jumsaımyz. Eki mınýt dáret alsaq, jumsalatyn sý mólsheri 30 lıtr.

Dýshtan úzdiksiz sýdyń nátıjesinde vanna kezinde shamamen 180-200 lıtr sý jumsalady. 2 lıtr sý qaıda jáne 200 lıtr sý qaıda?

Keıde kósheler men aýdandarda krannan sý aǵyp jatqanyn kóremiz. Ol shúmekti retteý eshkimniń oıyna da kelmeıtin. Tamshylap ketse de, sol tamshylar jınalyp, kóp mólsherde sý túzedi. Kóptegen adamdar sýsyzdanýdan zardap shegetinin umytpaıyq!

Alla Taǵala barshamyzdy sýdy ysyrap etpeı únemdi paıdalanatyn quldardan etsin, sýdyń da suraýy bar. Qasıetti Quran aıatynda: «Jeńder, ishińder, biraq ysyrap etpeńder. Aqıqatynda, Alla ysyrap etýshilerdi jaqsy kórmeıdi» («Araf» súresi, 31-aıat) degen.

 EREJEPOV Sábıt Ázimbekuly

 Kóktal meshitiniń bas ımamy