Symdanǵan sulýlar
Uzyn etekti kóılek kıgen qyz balasyn kórý sırek qubylysqa aınalǵany qashan. Búginde boıjetken qyz da, turmys qurǵan kelinshek te shalbarlanyp alǵan. Yńǵaıly ári jyly deıdi. Alaıda, muny din de, ǵylym da (medıtsına) qup kórip turǵan joq. Tipti, aıaǵy aýyr kelinshekterge de arnalǵan shalbarlar bar. Qala berse, nemere jetektegen ájelerdiń de birshamasy symdanyp alǵan. Keshegi qyzdary men kelinderine etekti kóılek kıgizgen ata-babamyz aqymaq bolmaǵan shyǵar. Bir bilgeni bar shyǵar.
Sahaba Abdýlla bın Abbas (r.a.): «Alla elshisi (s.ǵ.s.) er kisilerdiń ishinde áıelderge uqsaǵysy kelgenderdi jáne áıelderdiń ishinde erkekterge uqsaǵysy kelgenderge laǵynet aıtty[1]», - deıdi. Buǵan qatysty Tabarı: «Er kisiler áıelderge ǵana tán bolǵan kıim kııý jáne sándený sııaqty jaıttarda áıelderge uqsamaýy jáne kerisinshe bolmaýy jaıly aıtylǵan[2]», - dep túsindirgen. Demek, tek kıim kııýde ǵana emes sonymen birge, sóıleý mánerinde, júris-turysynda da áıelder áıel zatyna tán ereksheligin joǵaltpaýy tıis. Er azamatqa da erkekke tán bolmysynan ajyrap, áıeldershe sóılep, júrip-turýyna tyıym salynady. Árıne, shalbar kıgen soń júrisi de, sózi de soǵan saı qalyptasa bastaıdy. Al, syrtqy symbaty syrt kózge taıǵa tańba basqandaı kórinip turatyny aıtpasa da túsinikti.Negizi, shalbardy kııýdegi maqsaty da sol bolatyn. Erkektiń kózine túsý. Bir qyzyǵy, erkekshe kıingen áıeldiń minezinde ózgeris baıqalyp, aqyry sońynda erkek sııaqty erkekterdiń ózinen ústem bolýǵa degen áreketi paıda bolady eken. Eń jamany áıeldiń bolmysyna keraǵar, áıeldiń týa bitken asyl qasıeti hám bolmysynyń qorǵany uıattan jurdaı bolatyn kórinedi. Medıtsınada da djınsy shalbar kııý ana bolý baqytynan aıyrýy múmkin ekendigin alǵa tartady.
Sondyqtan, ejelden uzyn etekti serik etken názik jandylar sol serigimen qaıta qaýyshsa. Erlerge uqsaýdan aýlaq bolyp, óziniń tabıǵı jartylysyna saı kıinse degen ýájimiz bar.
