«TORǴAIDYŃ ÚSh ÓSIETI»

Bir torǵaı jem izdep júrip qusshynyń qurǵan toryna túsedi. Qolymen qysa ustaǵan qusshydan qutylýdyń amalyn izdegen torǵaı:

- Meni jiber. Kishkentaı ǵanamyn, jegenińmen báribir qarnyń toımaıdy.

Odan da men saǵan ómirlik azyq bolar úsh aqyl aıtaıyn, - deıdi.

Qusshy:

- Meıli, aıt. Tyńdaıyn, - deıdi.

- Birinshi aqylymdy alaqanyńdy ashyp turǵanda aıtamyn. Ekinshisin aǵashtyń butaǵynda otyryp, al úshinshi aqylymdy ushyp bara jatyp aıtamyn, - deıdi.

Qusshy kelisedi.

Ol alaqanyn ashqanda:

- Ótken iske eshqashan ókinbe, bosqa áýre bolasyń, - deıdi de torǵaı ushyp ketedi.

Aǵashtyń butaǵyna qonyp:

- Endi ekinshi aqylymdy tyńda.

Óz kózińmen kórmegen nársege eshqashan senýshi bolma! - deıdi.

- Úshinshi aqylyńdy aıt endi, - deıdi qusshy.

Torǵaı:

- Eı, qusshy, meniń jemsaýymda seniń alaqanyńdaı gaýhar tas bar, soıǵanyńda áp - sátte baıyp shyǵa keler ediń, - deıdi.

Qusshy otyra qalyp: - Qap, baılyqtan aıyrylyp qaldym - aý, - dep sanyn soǵyp, ózin - ózi kinálap ókinedi.

Toqtamaı ózin - ózi jazǵyryp uzaq jylaıdy.

Osy kezde torǵaı:

- Ótkenge ókinbe dedim, al sen jarty saǵat ókinip jyladyń.

Kózben kórmegenge senbe dedim, sen meniń ótirik sózimdi saralamaı - aq sene saldyń.

 Seniń alaqanyńdaı tas meniń ishime qalaı syıady?

Tyńdamaıtyn adamǵa aıtqan sóz ben ketken ýaqyt zaıa, - dep ushyp ketedi.

Torǵaıdyń mıyndaı mı joq degen sóz osydan shyqqan..

Endi oılanyp kórińizshi, osy torǵaı qurly bolmaı, ótken iske ókinip, kózben kórmegenge senip, ómirińizdi bosqa ótkizip jatqan joqsyz ba?

Áńgimeden ne túıdińiz?