Túshkirip «álhamdýlılla» degenge «ıarhamýkalla» deý

26 qazan 2020 300 0
Оqý rejımi

Musylmannyń dindes baýyryna duǵa etýi – týystyq jaqyndyqtyń bir kórinisi. Musylmannyń musylmanǵa jasaǵan duǵasynyń qabyl bolatyny kámil. Ábý Huraıradan (r.a.) jetken rıýaıatta Paıǵambarymyz (s.ǵ.s.) bylaı degen: «Alla túshkirgendi jaqsy kóredi, esinegendi unatpaıdy. Kimde-kim túshkirse, sosyn Alla Taǵalaǵa shúkirshiligin bildirse, onyń madaǵyn estigen ár musylmannyń «ıarhamýkalla» dep aıtýy ýájip. Al, esinegende shaıtan aralasady. Shama kelgenshe esinemeı, ózderińe bekem bolyńdar. Óıtkeni, adam esinegende shaıtan oǵan kúledi»[1].

Túshkirý – nyǵmet. Ol – denniń saýlyǵynyń, aǵzanyń aýrýǵa qarsy turýynyń nyshany. Berilgen nesibege shúkirshilik jasaǵanymyz sııaqty, túshkirgende de shúkirshilik etken jón.

«Birde Paıǵambarymyzdyń (s.ǵ.s.) janynda qatar turǵan eki kisi birdeı túshkirgen-di. Alla elshisi (s.ǵ.s.) bireýine ǵana: «ıarhamýkalla» deıdi. Sonda ekinshisi: «Mynaý túshkirgende oǵan «ıarhamýkalla» dedińiz. Men túshkirgende únsiz qalǵanyńyz qalaı?» – degende, Paıǵambarymyz (s.ǵ.s.) oǵan: «Ol túshkirgende Allany eske alyp «álhamdýlıllá» dep aıtty, al sen bul sózdi aıtqan joqsyń», – dep jaýap bergen eken»[2].

Qudaıberdi BAǴAShAR

 


[1] Buharı. Ádep 125, 128: Bádǵýl halq 11.
[2] Buharı. Ádep 127; Mýslım. Zýhd 53

Pіkіrler Kіrý