Ýaıymym jeńildeý úshin ne isteımin?

- Bilesiz be, Muhammed paıǵambarymyz (s.ǵ.s.) aıtady: «Alla Taǵala ərdaıym ıstıǵfar (keshirim) aıtýdy ədet etken pendesine kez-kelgen aýyr jaǵdaıdyń sheshimin kórsetip, barlyq ýaıymyn jeńildetedi». Mine, jolyn bizge op-ońaı etip osylaı kórsetip qoıdy.

- Ony qalaı jasaımyn?

- Qıyn túgi de joq. Tek kúnine 70 nemese 100 mərte «Əstaǵfırýllah ýə ətýbý ıləıhı» (maǵynasy: Iıa, Alla! Ózińnen keshirim suraımyn jəne Saǵan təýbe etemin) dep shyn júrekten aıtýdy ədet etseńiz, Allanyń qalaýymen bəri jaqsy bolady. Bir sózben, ómirde jolyńyz múldem ashylady. Taǵy aıtam, osylaı aıtýdy toqtatpa. Bul aıtqanym, jaqsy ədetińniń qatarynan tabylsyn!

- Istıǵfardyń paıdasy qandaı?

- Istıǵfar aıtýdyń qysqasha paıdasy mynadaı: Kókten jaýǵan jańbyrmen aýanyń tazaratyny sekildi kóńilden jasalǵan təýbemen kúnə ataýly jýyp-shaıylady. Hadıste aıtylǵandaı ýaıym seıilip, aýyr jaǵdaı artta qalady.Kúnədan tənińiz tazarady.Saýapqa janyń jaqyn júredi...

- Istıǵfar aıtpaýdyń zııany bar ma?

- Birinshi mynany umytpa! Úlkendi-kishili kúnə ister jaqsylyqqa, maqsat-muratyńyzǵa tosqaýyl bolady da turady. Saýapty sezinbeı, onan alys júresiz. Júregińiz kúnəniń daǵynan qaraıa beredi. Kúnə isti murynǵa qonǵan shybyn qurly kórmeıtin bolasyz. Júzden nur qashyp, júzi qaraǵa aınalasyz. Túıindep aıtsam, adamı qundylyqtar boıdan birte-birte ajyraı beredi.

- Rahmet. Janymdy jadyratyp, rýhymdy azyqtandyrǵan jaýabyńyzǵa. Istıǵfar aıtý meniń kún saıynǵy serigime aınalady.

... Siz de oqyrman osy bir shaǵyn suhbattan nətıje shyǵaryp, ıstıǵfar aıtyp júrýdi ədet qylyńyz...

Əzirlegen Qaıyrbek Otyzbaev