«ULDY BOLDYŃ - QULDY BOLDYŃ!»

Erte de Maqash degen elge syıly kisiniń áı̆eli jeńildenip, ul týypty.

Tóńirektegi baı̆-myrzalar aldymen kelip qutty bolsyn aı̆tsa Maqash olarǵa ashylyp sóı̆lespepti. Oń qabaq berip, qýanǵan túr de tanytpapty. Álgi myrzalar ókpelep attanyp, jolaı̆ Janturǵan bıge kezdesip:

– Biz Maqashtyń qýanyshyna qutty bolsyn aı̆typ edik, «ámın» degennen basqa sheshilip eshteńe demedi. Tipti jaratpaǵan syńaı̆ tanytty, – depti.

– Sender maǵan erip júrińder. Qutty bolsyndy men aı̆typ kóreı̆in – deı̆di Janturǵan bı.

Barlyǵy Maqashtyń aýylyna keledi. Úı̆ge kirip jaı̆ǵasyp, amandyq surasqan soń:

– Ýa, Maqash! Uldy boldyń – quldy boldyń. Balań – adal sút emgen bolsyn! – depti bı.

– Áýmın! Aı̆tqanyńyz kelsin! – dep Maqash qýanyp jadyrap qalady.

Jarasty áńgime bastalady.

Sóz arasynda myrzalardyń bireýi:

– Máke, siz, birinshi kelip jaqsy-jaqsy tilegimizdi aı̆tqanda shyraı̆ bermeı̆ shyǵaryp salyp edińiz.

Myna Janturǵannyń eki aýyz sózine qulaı̆ ketkenińiz qalaı̆? – dep surapty.

– E, jigitter, sender maǵan «balańyz ómirli bolsyn, ǵumyr-jasy uzaq bolsyn, dáýletti bolsyn, bı bolsyn, baı̆ bolsyn, ǵalym bolsyn!» dep quttyqtadyńyzdar. Ómirde bıdiń de, baı̆dyń da, ǵalymnyń da zalymy bolady. Ulym jaýyzdyq jolyna túsip ketse onyń uzaq ómir súrgeninen ne paı̆da? Bıliginen ne paı̆da? Baı̆lyǵynan ne paı̆da?

Myna Janturǵan «uldy boldyń – quldy boldyń» -dedi. Balany týǵan soń betimen jibermeı̆ qulsha jumsap sharýaǵa úı̆retý kerek. Adal eńbekpen ǵana nanyn taýyp jese adam bolady. Ata-anasynyń úlgisin alǵan bala azbaı̆dy. Adal sút emgen dep sony aı̆tady. Bıdiń tilegi kóńilime qondy – depti Maqash.

Raıhan MATAEVA