ULYS PEN ULTQA BÓLINÝDIŃ QAJETTILIGI

- Ýa, meniń ımanymnyń turaǵy bolǵan Júregim, ULYS PEN ULTQA BÓLINÝDIŃ QAJETTILIGI QANShA?

- Ult – Uly Jaratýshynyń qalaǵan qurylymy, Sheberligi men Danalyǵynyń bir kórinisi!

 Ult bolyp qalyptasý – adamzattyń damý úrdisiniń nátıjesi, tobyrlyq deńgeıden joǵary kóterilý satysy. -Ulttar – Adamzat balasynyń Ar-ıman jolyndaǵy jarysynyń qatysýshylary.

-Ult nemese halyq – adam qalyptastyrýshy rýhanı orta. Rýhanı máninen aıyrylǵan ult – ózegin qurt jegen aǵash sekildi...

-Ult myna jeti negizden quralady:

-tili,

-dini,

- dástúr-salty,

-óneri,

-tarıhy,

-atamekeni jáne

-ult jigeriniń jemisi, erkindiginiń kepili, rýhanııatynyń qyzmetshisi – memleketi...

-Ult bolashaǵy dúnıetanymyna, hareket-amalyna táýeldi. Jaqyn bolashaqtyń sulbasyn jastardyń bet-beınesi men arman-ańsary arqyly kórýge bolady...

-Ulttyq erekshelikti saqtaý, ult damýy jolynda qyzmet etý – jeke tulǵanyń jetilý jolyndaǵy mektebi, alar abyroıly asýy. Bilgen adamǵa:

Halyqqa qyzmet – Haqqa qyzmet!

Alaıda óz ultyńdy súıýdi ásireultshyldyqqa aýystyryp alý – adasýdyń bir túri, asa qaýipti derttiń nyshany. Óıtkeni ult – Adamzattyń bir perzenti, teń quqyly baýyrlardyń biri...

Alǵadaı ÁBILǴAZYULY

"Júrgim, sen aıtshy" kitabynan