Yqylas jaıynda...

Yqylas degenimiz túngi namazben, nápil orazamen, kórsetpeı bergen sadaqamen, duǵamen keledi.Ár nárseni aıtý ońaı, oryndaý qıyn.

Burynǵy bir zamanda Túrkııanyń úlken meshitteriniń ımamy juma kúni ýaǵyz aıtyp bolǵan soń, sol kezeńdegi taqýa bir adamnan: «Ýaǵyzym qalaı boldy?» - dep suraıdy. Ol: «Ýaǵyzyńyz keremet. Alaıda qýraǵan aǵashqa jasandy japyraq baılaǵandaı boldy», - dep jaýap beripti. Iaǵnı, aıtqan ýaǵyzyna ózi amal jasap, gúldep turmaǵandyǵyn meńzegen eken.

Qazir de qandaı da bir kitap kórsek birden satyp alamyz. Ony oqymaı, jınap qoıamyz. Burynǵylar kitapty oqymas buryn, avtoryn zertteıtin edi. Jalpy ózi qandaı adam? Sózi men isi bir jerden shyǵady ma? Úı-ishimen, kórshilerimen, jamaǵat namazymen qarym-qatynasyna qaraıtyn edi. Bári jaqsy bolsa, kitabyn oqyp, ol júrekten júrekterge jetip jatatyn. Qazirde syrty ádemi, ár taqyrypta kitap kóp. Halyqtyń bári ala bermeıdi. Nelikten?

Al, dinimiz qaıta oralǵan kezdegi Halıfa Altaı aqsaqaldyń «Iman shartyn» jastyǵymyzdyń astyna qoıyp, dinı saýatymyzdy ashtyq. Óıtkeni ol kisiniń nıeti eren edi, jany jánnatta bolsyn. Sondyqtan bireýge ýaǵyz aıtpastan buryn, ózimiz amal jasap, jazatyn nársemizge yqylasty bolyp, júrekten ótkizgenimiz abzal bolar. Alla bárimizge yqylasty bolýdy, sózimiz ben ózimiz sáıkes bolýdy násip etsin!

Qýat Qabdolda