JAN AZA MEN JANAZA ARASY ShATYSYP KETTI

 “Ólik bardyń malyn shashady, joqtyń artyn ashady” deıdi qazaq. Negizi kóp nárseni qaıta baǵamdamasa bolmaıtyn túri bar.

Keshe tańerteń erte aýyldan qurdasym keldi. Sıpaqtap birdeńe aıta almaı otyr. Biraz ýaqyttan soń ǵana, aýzynan “anamnan aırylyp qaldym” degen sóz shyqty. Endi munda ne úshin keldiń, janazasy bar kóriskeli keletin aǵaıyn týys bar desem, anamdy kómetin aqsha kerek deıdi…

Ólik shyǵarý - janaza dinı rıtýal. Biraq bul másele toıǵa shyǵyndalýmen teń bolyp tur. Sosyn ári qaraı “beısenbilik” jasaý kerek. Ár beısenbi, mal soıyp, qonaqtarǵa dastarqan jaıý kerek. Taǵy sol qurdasym soıatyn malǵa aqsha surap kelip tur.

Qyrqy ótkenshe beısenbilik berý kerek eken. Sosyn ár oqylǵan quranǵa moldaǵa bes myń teńge berý kerek eken…

 Oǵan da aqsha joq dedi. 

Janazaǵa da beısenbilikterge de soıylǵan mal saǵan kómegim bosyn, áýletim atynan ataǵanym bolsyn degenimde, álgi dosym eńkildep kep jylasyn…

Men de qosylyp otyrmyn.

 Ólik shyqqan úıden, janaza bolyp jatqan úıden qalaı as ishýge bolady?

Dinı turǵydan aıtpaǵanda, moraldyq jaǵynan da  ersi emes pe?

Ólik shyqqan úıdiń qońsy, kórshileri osy rette qazan asatyn jóni bar.

 Barlyq adam óledi. Saǵan da kezek keledi. Sondyqtan kórshińe túsken náýbetti kórshi retinde kóterý - eldik bolar edi. Bizder kórshi aqysy degendi umyttyq. Kórshi retinde Jaýapkershilik, haq, namys, ar degen aýylǵa qaıta oralmasaq bolmas, aǵaıyn!

Dosaı KENJETAI