JOO TÚLEKTERINE ARNALǴAN TIIMDI BAǴDARLAMALAR

Orta mektep qabyrǵasynan birde-bir túlek stýdenttik ómirge daıyn bolyp shyqpaıdy. UBT-ny sátti tapsyrǵandar joǵary oqý oryndaryna túsedi. Ýnıversıtettegi alǵashqy kúnderden-aq túlekti kýratorlar óz qamqorlyǵyna alyp, kóptegen anyqtamalyq materıal qoljetimdi bolady. Stýdentterdiń jańa ortaǵa beıimdelýine dekanat basshylyǵy jaǵdaı jasaıdy.

Ýnıversıtetti támamdap shyqqan jas mamandar úshin de jańa ómir jaǵdaılaryna úırenisý ońaı emes. Olardy «qaıda turý, qalaı jumys tabý jáne qandaı qoldaý alýǵa bolady?» degen suraqtar mazalaı bastaıdy. Osyǵan oraı, jas qazaqstandyqtarǵa arnalǵan memlekettik jáne jeke jobalar týraly aıtyp bermek oıymyz bar.

Alǵashqy jumys orny

Bul baǵdarlama jas mamandardyń alǵashqy jumys ornynda qajetti kásibı daǵdylar alýyna kómektesedi. Joba aıasynda túlekter óz mamandyǵy nemese uqsas baǵyt boıynsha jumysqa ornalasa alady. Taǵylymdama kezinde qatysýshylarǵa jataqhana beriledi jáne shákirtaqy tólenedi.

Baǵdarlama sharttary boıynsha jumys berýshi jumyspen qamtý ortalyǵymen kelisimshart jasasyp, qatysýshyny keminde eki jyl turaqty jumysqa qabyldaıdy. Jumystyń alǵashqy jylynda qatysýshynyń jalaqysy jergilikti bıýdjetten sýbsıdııalanady.

• Sýbsıdııa mólsheri: aıyna 30 AEK. Oǵan salyqtar, áleýmettik aýdarymdar, paıdalanylmaǵan eńbek demalysy úshin ótemaqy, bank qyzmetteri kiredi, Ekologııalyq ústemaqylar kirmeıdi.
• Turǵylyqty jerdegi jumyspen qamtý ortalyǵyna júginýge bolady.

Dıplommen – aýylǵa!

Bul memlekettik baǵdarlama aıasynda JOO túlekteri aýyldyq eldi mekenderge baryp, bilim berý, densaýlyq saqtaý, áleýmettik qamsyzdandyrý, mádenıet, sport jáne veterınarııa salalarynda jumys isteı alady.

Áleýmettik qoldaý sharalary:

• 100 AEK (345 000 teńge) mólsherinde bir rettik kóterme járdemaqy;
• Turǵyn úıge arnalǵan 1500 AEK (5,2 mln teńge) kóleminde 15 jylǵa jyldyq 0,01% mólsherlememen bıýdjettik nesıe;
• Áleýmettik sala mamandarynyń jalaqysyna 25% ústeme.

Qatysý sharttary:

• Aýyldyq eldi mekende jumys tabý;
• Jumysqa ornalasqan kezde aýdandyq komıssııaǵa baǵdarlamaǵa qatysý týraly ótinish berý;
• Qajetti mamandar týraly aqparatty oblys ákimdikteriniń saıttarynan qaraý.
• Bilim bólimine nemese jumyspen qamtý ortalyǵyna júginýge bolady.

Jastar praktıkasy

Bul baǵdarlama JOO túlekterine alǵashqy jumys tájirıbesin alýǵa múmkindik beredi. Oǵan sońǵy úsh jyl ishinde oqýdy aıaqtaǵan, jasy 35-ten aspaǵan jumyssyz túlekter qatysa alady.

• Uzaqtyǵy: 12 aıǵa deıin.
• Jalaqysy: aıyna 30 AEK (salyqtar, zeınetaqy jarnalary jáne áleýmettik aýdarymdar kiredi).
• Qaıda júginýge bolady: turǵylyqty jerdegi jumyspen qamtý ortalyǵyna.

«Urpaqtar kelisimsharty» baǵdarlamasy

Bul baǵdarlama jumyspen qamtý ortalyqtary arqyly zeınet jasyna jaqyndaǵan qyzmetkerlerdi almastyratyn jas mamandardy jumysqa ornalastyrýǵa kómektesedi.

Sharttary tómendegideı:

• Qatysýshyny keminde 18 aı turaqty jumysqa alý;
• Alǵashqy 6 aıda jalaqyny jumyspen qamtý ortalyǵy sýbsıdııalaıdy (30 AEK).
• Turǵylyqty jerdegi jumyspen qamtý ortalyǵyna júginýge bolady.

Bıznesti ashýǵa arnalǵan memlekettik grant

«Eńbek» baǵdarlamasy aıasynda qatysýshylarǵa óz isin bastaý nemese damytý úshin qaıtarymsyz granttar beriledi.

Kimder qatysa alady?

• «Bastaý Bıznes» jobasy nemese qysqa merzimdi kýrstardan ótken «Eńbek» baǵdarlamasynyń qatysýshylary;
• Jumyspen qamtý ortalyqtarynda oqýdan ótkender;
• Jumyssyzdar;
• Ózin-ózi jumyspen qamtıtyn aýyl turǵyndary.

Qajetti oqýdan ótkennen keıin ótinish berýge bolady.

Jeke kompanııalardaǵy taǵylymdama

JOO túlekteri jeke kompanııalarda jumysqa ornalasý múmkindigi bar taǵylymdamadan óte alady.

Máselen:

• BI Group holdınginiń BI Intern baǵdarlamasy qurylys, qarjy, Ekonomıka jáne esep salalary boıynsha GPA 3.0-den joǵary stýdentter men túlekterge arnalǵan taǵylymdama.
• Halyk Start baǵdarlamasy – IT mamandyqtary boıynsha stýdentter men túlekterge arnalǵan taǵylymdama.
• Andersen kompanııasy System Analysis baǵyty boıynsha taǵylymdama usynady.
• Kompanııalardyń resmı saıttaryna nemese jumys izdeý platformalaryna júgine alady.

Jumys isteıtin jastarǵa satyp alý quqyǵynsyz jalǵa beriletin turǵyn úı

Astana, Almaty jáne Shymkent qalalarynyń jastaryna jalǵa beriletin turǵyn úı baǵdarlamasy qarastyrylǵan.

Sharttary:

• Qazaqstan azamattyǵy;

• 35 jasqa deıin;

• Sońǵy bes jylda turǵyn úıdiń bolmaýy;

• Sońǵy alty aıda 40 AEK-ten kem emes aılyq kirisi bar.
• Jalǵa alý merzimi: 3 jyl.

«7-20-25» baǵdarlamasy

Bul ıpotekalyq baǵdarlama qazaqstandyqtarǵa jeńildetilgen sharttarmen turǵyn úı satyp alýǵa múmkindik beredi.

Sharttaryna toqtalsaq:

• Paıyzdyq mólsherlemesi – 7%;
• Alǵashqy jarna – 20%;
• Nesıe merzimi – 25 jylǵa deıin.

«Jastar» aımaqtyq ıpotekalary

Bul baǵdarlamalar Otbasy banki men ákimdikter arqyly qarjylandyrylady.

Aımaqtar:

Astana – «Elorda Jastary»;

Almaty – «Almaty Jastary»;

Taldyqorgan – «Jetisý Jastary»;

Aqtobe – «Aqtóbe Jastary»;

Qaraǵandy – «Qaraǵandy Jastary»;

Atyraý – «Atyraý Jastary»;

Shymkent – Qamqor;

Temirtaý – «Temirtaý Jastary»;

Semeı – «Abaı Jastary»;

Qostanaı – «Qostanaı Jastary»;

Qyzylorda – «Syr Jastary».

Sharttary:

• Mólsherleme – 5–6%;
• Alǵashqy jarna – 10%;
• Nesıe merzimi – 19–25 jyl.

Tolyq aqparat alý úshin Otbasy bankiniń saıtyna nemese jergilikti ákimdikterge júginýge bolady.

«Jastar – el bolashaǵy» degen sóz bar. Ras, jastar qoǵamnyń, el damýynyń qozǵaýshy kúshi. Áleýmettik, saıası ózgeristerge alǵashqy bolyp jaýap beretin demografııalyq toptardyń biri. Jańa býyn qoǵamnyń mádenı, ıntellektýaldy jáne áleýmettik negizderin jınaqtap, olardy jańa dúnıege ulastyrady.

Jastardy alańdatatyn máselelerdiń qatarynda jumysqa ornalasý men Ekonomıkalyq turaqtylyq bar. Bul máseleler álemniń kóptegen jastary úshin ortaq bolǵanymen, olardy sheshýdegi memleket pen naryqtyń reaktsııasy Qazaqstan jastaryn erekshelep turady.