JUMBAQ SURAQTYŃ JAÝABY

04 qyrkúıek 2021 6089 0
Оqý rejımi

Birde Imam Aǵzam Ábý Hanıfaǵa ıbaly bir musylman áıel keledi. Keledi de úndemeı ǵana qolyna ustaǵan bir jaǵy sarǵysh, bir jaǵy qyzyl almany áýeli qyzyl jaǵyn, keıin sary jaǵyn kórsetip, hazirettiń aldyna qoıady. Bul onyń jumbaqtap qoıǵan suraǵy edi. Bir qyzyǵy, ımam da lám-mım demesten, almany jaılap qana bákisimen ekige bólip, ishin áıelge kórsetedi de qaıtaryp beredi. Bul ımamnyń bergen jaýaby edi.

Áıel ketkennen keıin sol jerde otyrǵan ǵalymdar:

– Ustaz, biz bul jumbaqtan eshteńe túsinbedik, – deıdi. Sonda Ábý Hanıfa:

– Bul áıel óte uıatty kisi eken. Suraǵyn ashyq qoıýǵa uıaldy. Almanyń qyzyl jaǵy men sary jaǵyn ǵana kórsetýmen shekteldi. Iaǵnı, etekkirim kelgen kezderimde keıde qyzyl, keıde sarǵysh qan kóremin. Bulardyń ekeýi de haıyz bolyp eseptele me? Joq álde tek qyzyl tústisi ǵana haıyzǵa jata ma dep suraǵysy keldi. Men oǵan almany ekige bólip, ishindegi aǵyn kórsettim. Iaǵnı, qyzyl nemese sary qan toqtap, suıyqtyq aǵarǵanǵa deıin haıyz kúıinen arylmaıtyndyǵyn bildirdim. Ol kisi jumbaqtap suraq qoıǵandyqtan, men de jumbaqtap jaýap bergendi jón kórdim, – dedi.  

Pіkіrler Kіrý