1 naýryzdan bastap «jasyl aımaqtaǵy» barlyq meshitte juma namazy oqylady

Búgin Premer-Mınıstr orynbasary Eraly Toǵjanovtyń tóraǵalyǵymen Qazaqstan aýmaǵynda koronavırýstyq ınfektsııanyń taralýyna jol bermeý jónindegi vedomstvoaralyq komıssııanyń (VAK) otyrysy ótti.

«VAK otyrysynyń qorytyndysy boıynsha kelesi sheshimder qabyldandy:

7 kún boıy «Jasyl aımaqta» turǵan óńirlerde ústimizdegi jyldyń 1 naýryzynan bastap ruqsat etildi:

juma namazyn ótkizýge (30 paıyzǵa deıin) jáne jerleý rásimin ótkizý (30 paıyzǵa deıin, 50 adamnan artyq emes)» delingen COVID-19 taralýyna jol bermeý jónindegi VAK-tyń taratqan resmı aqparatynda.

Aıta ketsek, jýyrda QMDB Tóraǵasy Naýryzbaı qajy Taǵanuly elordada Densaýlyq saqtaý mınıstri Alekseı Tsoımen, sondaı-aq Densaýlyq saqtaý vıtse-mınıstri – Bas memlekettik sanıtarlyq dáriger Erlan Qııasovpen arnaıy kezdesip, koronavırýs ınfektsııasynyń taralýy boıynsha qaýipsiz «jasyl aımaqta» ornalasqan óńirlerdegi meshitterde juma namazyn oqýǵa ruqsat berý týraly usynysyn jetkizgen edi.