3 mamyrdan bastap juma namazyn oqýǵa resmı ruqsat berildi (FOTO)

Elimizdiń Bas memlekettik sanıtar dárigeri Erlan Qııasovtyń kezekti jańa qaýlysy jarııalandy. Qaýly 2021 jylǵy 3 mamyrda saǵat 00:00-den bastap kúshine enedi.

Qaýlyǵa sáıkes elimizdegi meshitter aýmaǵynda juma namazyn oqýǵa ruqsat berildi.

Bul jaıly qaýlyda: «Meshitter, pravoslavıe shirkeýleri jáne basqa da dinı obektiler aýmaǵynda ujymdyq dinı is-sharalardy (onyń ishinde «juma namazy», kúndelikti pravoslavıelik duǵalar jáne basqalaryn) ashyq aýada ótkizý maska rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady» delingen.

Aıta keteıik, QMDB Tóraǵasy, Bas múftı Naýryzbaı qajy Taǵanuly Ramazan aıynyń alǵashqy kúni Prezıdent Qasym-Jomart Toqaevtyń qabyldaýynda bolyp, el musylmandarynyń juma namazyn asyǵa kútip júrgenin habardar etken edi. Memleket basshysy eldegi Epıdemıologııalyq jaǵdaıdyń turaqtalatynyna, meshitterdiń tolyq ashylatyn kúni alys emes ekenine senim bildirgen bolatyn.

​