30 mamyr musylman zırattarynda tazalyq jumystary ótedi

30 mamyr kúni QMDB «Qamqor-Sharapat» salttyq qyzmet kórsetý ortalyǵynyń uıymdastyrýymen elimizdiń barlyq aýmaǵyndaǵy zırat basyna tazalyq jumystaryn júrgizý josparlanyp otyr.

Musylman adam dúnıede qandaı qadirli bolsa, onyń qabirin aıaqasty etýge eshkimniń qaqysy joq. Al musylman zıratynyń mańaıyn tazalap otyrý – jáı ǵana mindet emes, izgi amal.

«Alla Taǵala Quranda «Isra» súresiniń, 70-shi aıatynda: «Rasynda Adam balasyn ardaqtadyq» dep, adamdy tiri kúninde de, dúnıe salǵannan soń da qurmetteýge buıyrǵan. Asyl dinimiz dúnıeden qaıtqan adamdy sońǵy saparyna jýyndyryp, arýlap aq mataǵa orap, hosh ıis seýip, janazasyn oqyp, qurmetpen Jer ana qoınaýyna tapsyrady jáne odan keıin de dúnıeden ótken adamnyń ary men abyroıyn qurmetteýge úndeıdi. Qaıtys bolǵan adamnyń esep-qısap bolatyn qııametke deıingi ýaqytsha mekeni bolǵan qabirlerdi taza ustaý – barshamyz úshin qaıyrly is sanalady» deıdi uıymdastyrýshylar.

Atalmysh ıgi is-sharaǵa QMDB-ǵa qarasty 19 ókildiktiń din qyzmetkerleri men erikti jamaǵat qatysady.