31 tamyzdan bastap meshitter ashylady
Premer-mınıstrdiń orynbasary Eraly Toǵjanovtyń tóraǵalyǵymen ótken Vedomstvoaralyq komıssııa otyrysynda birqatar nysandardyń qyzmetin jeńildetýdiń ekinshi kezeńi maquldandy.
Vedomstvoaralyq komıssııa eldegi oń jaǵdaıdy eskere kele, 31 tamyzdan bastap birqatar nysandardyń qyzmetin qaıta bastaýǵa ruqsat berdi. Atap aıtqanda, dinı obektiler, basseınder, jattyǵý zaldary, sport keshenderi, mádenıet nysandary, memlekettik ulttyq tabıǵı parkter, qoryqtar, rezervattar, sondaı-aq qala mańyndaǵy jolaýshylar poıyzdary, Elektr poıyzdary, qalaaralyq, oblysishilik avtobýstar, shaǵyn avtobýstardyń qozǵalysyna ruqsat beriledi.
«Barlyq nysandarǵa tıisti daıyndyq aktilerin alǵannan keıin ǵana jumysqa kirisýge ruqsat beriledi. Óńirlerdiń ákimdikteri Densaýlyq saqtaý mınıstrligi, «Atameken» UKP-men birlesip, qoǵam belsendilerin tarta otyryp, engiziletin nysandardyń barlyq sanıtarlyq talaptardy qatań saqtaýyn qamtamasyz etýi qajet» dep atap ótti Eraly Toǵjanov.
Vedomstvoaralyq komıssııa sheshimine sáıkes 31 tamyzdan bastap QMDB-ǵa qarasty elimizdegi birqatar meshitter jekelegen namaz ben qulshylyqtar úshin, sanıtarlyq talaptardy saqtaı otyryp ashylady. Aıta keteıik, eki apta buryn Qazaqstan musylmandary dinı basqarmasy osy máselege baılanysty quziretti mekemelerge karantın talaptaryn saqtaı otyryp, meshitterdi qaıta ashý týraly usynys bergen bolatyn.
