ABAI QUNANBAIULY MEShITI JANYNAN DINI SAÝAT ORTALYǴY AShYLDY
Búgin QMDB Tóraǵasy, Bas múftı Naýryzbaı qajy Taǵanulynyń qatysýymen Abaı oblysynyń ortalyǵy Semeıde múftııattyń dinı saýat ortalyǵy ashyldy. Eń alǵash sóz alǵan Bas múftı qaıyrymdylyq ordasynyń ashylýymen quttyqtap, saýaby mol ıgi is jaıynda aıtyp ótti.
«On adam júrgen jerde iz qalady, júz adam júrgen jer – soqpaq, myń adam júrgen jerde jol qalady» deıdi qazaq. Bul sóz tegin aıtylmasa kerek. Bizdiń de maqsatymyz sol artymyzǵa ónegeli jol qaldyrý, qınalǵanǵa qamqor, qysylǵanǵa qol ushyn sozý. Byltyr jyl basynda Baǵdarlyq baıandamamda QMDB janynan stýdentter úıin ashýdy tapsyryp, birqatar óńirde bul bastama óz jemisin bergen bolatyn. Degenmen jaqsylyqtyń erte keshi joq. Babalarymyz «Jamandyq paıda etpeıdi, jaqsylyq zaıa ketpeıdi» degen. Sondyqtan osy ǵımaratty paıdalanyp, kádesine jaratqan árbiriniń saýaby úles qosýshyǵa jazylary anyq. Qazaq «qaıyr qylsań, bútin qyl» deıdi. Búgin mine qaıyrymdy azamattar qol ushyn berip ilimge den qoıǵan jandar osynda qınalmaı oqysyn, solarǵa paıdaly bolsyn dep osyndaı tamasha ǵımaratty ashyp otyrmyz.
Bilesizder Dinı basqarma birneshe baǵytta jumys isteıdi. Sonyń biri de biregeıi oqý-aǵartý al taǵy biri qaıyrymdylyq. Búgin eki birdeı saýapqa kenelip otyrmyz. Shákirtterimiz birinshiden osynda jatyp bilimin arttyrsa, ekinshiden olarǵa jasalǵan qamqorlyq. Endi az kúnnen soń jańa oqý jyly bastalady. Osy tusta az qamtylǵan otbasydan shyqqan, áleýmettik osal topqa jatatyn jandar osy jerden ózine keregin ala alsa bizdiń qýanyshymyz sol. Ózderińizdi quttyqtaı otyryp, atsalysqan barshańyzǵa Alla razy bolsyn dep túıindedi sózin Bas múftı.
Resmı ashylýynan soń qonaqtar jańa ǵımaratty aralap kórdi.
Aıta keteıik «Din men dástúr» ortalyǵynyń jalpy kólemi 2 273 sharshy metrdi quraıdy. Janashyr azamattardyń demeýimen salynǵan ǵımarat 2 bólikten turady. Birinshi jartysy 4 qabattan turatyn «Dinı saýat ashý» ortalyǵy. Ol 100 stýdentke arnalǵan. Barlyq zamanaýı talaptarǵa saı oqý ornynda jatyn bólmeleleri, oqý synyptary, kitaphana, ashana, tazalyq bólmesi, medıtsınalyq bólmege deıin tolyqtaı qamtylǵan. Joǵarǵy 2-3 qabattarynda stýdenterge arnalǵan jatyn bólmeleri, tazalyq bólmesi, medıtsınalyq bólme, qonaqtar bólmesi ornalasqan. 1-qabatta Din men dástúr synyby, Abaı synyby, Shákárim synyby jáne ustazdar bólmesi bar. Tómengi qabatta ashanasy ornalasqan.
